అమితా బచ్చన్‌ను అరెస్ట్ చేసిన ముంబై పోలీసులు..! ఇన్‌స్టా పోస్ట్ వైరల్

దిశ, వెబ్ డెస్క్: బాలీవుడ్ స్టార్ హీరో అమితాబచ్చన్ గురించి ప్రత్యేకంగా చెప్పాల్సిన పని లేదు. అనేక చిత్రాల్లో నటించి,పలు టీవీ షోస్‌తో ఫుల్ పాపులారిటీని దక్కించుకున్నారు. అయితే కొద్ది రోజుల క్రితం ఆయన హెల్మెట్ లేకుండా బైక్ నడపడంపై తీవ్ర చర్చ జరిగింది. తన తప్పేమీ లేదని బిగ్ బి వాదించారు. తాజాగా, అమితా బచ్చన్ తన ఇన్‌స్టాగ్రామ్‌లో ఓ పోస్ట్‌తో ఫ్యాన్స్‌కు షాకిచ్చాడు. ముంబై పోలీస్ వ్యాన్ దగ్గర బిగ్ బి బాధగా నిలబడి ఉన్న ఫొటోను షేర్ చేశారు. అంతేకాకుండా దానికి ‘అరెస్ట్’ అని క్యాప్షన్‌ను జత చేశారు. దీంతో అది చూసిన ఫ్యాన్స్ ఒక్కసారిగా ఆశ్చర్యానికి గురవుతూ రకరకాలుగా స్పందిస్తున్నారు. ఏదైనా బ్రాండ్ ప్రమోషన్ ఉన్నప్పుడు ఇలాంటి టెక్నిక్ ఉపయోగిస్తారు. అమితాబ్ బచ్చన్ కూడా అలాగే చేసి ఉంటారని కొందరు భావిస్తున్నారు. దీనిపై స్పష్టత రావాల్సి ఉంది.