Yash: యష్ కొత్త సినిమాకు ముహూర్తం ఫిక్స్.. విశేషంగా 8-8-8 నెంబర్
‘KGF’తో పాన్ ఇండియా రేంజ్‌లో గుర్తింపు తెచ్చుకున్నాడు రాక్ స్టార్ యష్.
దిశ, సినిమా: ‘KGF’తో పాన్ ఇండియా రేంజ్‌లో గుర్తింపు తెచ్చుకున్నాడు రాక్ స్టార్ యష్. ఈయన ప్రజెంట్ నిర్మాతగా మారండంతో పాటు.. వరుస సినిమాలు చేస్తూ ఫుల్ బిజీగా ఉన్నాడు. ఈ క్రమంలోనే యష్ తాజాగా నటిస్తున్న పాన్ ఇండియా భారీ బ‌డ్జెట్ మూవీ ‘టాక్సిక్: ఎ ఫెయిరీ టేల్ ఫ‌ర్ గ్రోన్ అప్స్‌’. గీతూ మోహన్ దాస్ దర్శకత్వం వహించనున్న ఈ చిత్ర షూటింగ్ ఆగస్టు 8 నుంచి ప్రారంభిచనున్నారు. అయితే.. ఏదైనా కొత్త మూవీని స్టార్ట్ చేసేముందు దేవాలయాలను సందర్శించడం యష్‌కు ఉన్న అలవాటని తెలుస్తుంది.
ఇందులో భాగంగా యష్, నిర్మాత వెంక‌ట్ కె.నారాయ‌ణ, కుటుంబ స‌భ్యుల‌తో క‌లిసి క‌ర్ణాట‌క‌లోని ప్రసిద్ధ పుణ్య క్షేత్రాలు శ్రీస‌దాశివ రుద్ర సూర్య ఆల‌యం, ధ‌ర్మస్థల‌లోని శ్రీ మంజునాథేశ్వర ఆల‌యం, సుబ్రమ‌ణ్యలోని కుక్కే సుబ్రమ‌ణ్య ఆల‌యాలను సంద‌ర్శించారు. ఇక ఈ మూవీ షూటింగ్ ఆగస్టు 8 నుంచి బెంగుళూరులో ప్రారంభం కానుందరి తెలిపారు చిత్ర బృందం. అయితే.. యష్ పుట్టిన డేట్ కూడా 8 కావడంతో.. 8-8-8 అనే నెంబర్ వ‌చ్చే రోజునే త‌న కొత్త సినిమాను ప్రారంభించటం విశేషం.