సడెన్‌గా ఓటీటీలోకి వచ్చేసిన ‘మంకీ మ్యాన్’.. ఎందులో స్ట్రీమింగ్ అవుతుందంటే..?

దిశ, సినిమా: దేవ్ పటేల్, శోభిత ధూళిపాళ కాంబినేషన్‌లో వచ్చిన సినిమా ‘మంకీ మ్యాన్’. ఫుల్ యాక్షన్ డ్రామాగా తెరకెక్కిన ఈ మూవీకి దేవ్ పటేల్ దర్శకత్వం వహించాడు. ఇందులో దేవ్ వెయిటర్ పాత్రలో నటించగా.. శోభిత బార్ డ్యాన్సర్‌గా అలరించింది. అయితే రిలీజ్‌కు ముందు ఈ సినిమా నుంచి ప్రతి అప్‌డేట్ ఎంతో ఆకట్టుకున్నాయి.

ఇక హనుమంతుడి స్ఫూర్తితో రూపొందిన ఈ హాటీవుడ్ చిత్రం గత నెలలోనే ప్రపంచవ్యాప్తంగా రిలీజై హిట్ టాక్ సొంతం చేసుకుంది. కానీ సెన్సార్ ఇబ్బందులు కారణంగా భారత్‌లో మాత్రం రిలీజ్ కాలేదు. దీంతో ఎప్పుడెప్పుడు ఈ మూవీ రిలీజ్ అవుతుందా అని ప్రేక్షకులు ఎదురుచూస్తుండగా.. సడెన్‌గా ఓటీటీ ఎంట్రీ ఇచ్చేసింది. అమెజాన్ ప్రైమ్, ఆపిల్ టీవీ ఓటీటీల్లో అందుబాటులోకి వచ్చేసింది ‘మంకీ మ్యాన్’ మూవీ. అయితే.. కేవలం రెంట్ విధానంలో మాత్రమే స్ట్రీమింగ్ అందుబాటులో ఉంది.