'మైఖేల్' సినిమా యూనివర్సల్ రీచ్..?

దిశ, సినిమా: కథ, కంటెంట్, మేకింగ్ పరంగా 'మైఖేల్' యూనివర్సల్ రీచ్ ఉండే సినిమా అని తెలిపింది మూవీ యూనిట్. ఫిబ్రవరి 3న విడుదల కానున్న సినిమాకు సంబంధించిన విషయాలను మీడియాతో పంచుకున్న టీమ్.. తాము అందరం డైరెక్టర్ రంజిత్ జయకోడి, కథను నమ్మామని తెలిపారు. ట్రైలర్‌కు వచ్చిన స్పందన ఆ నమ్మకాన్ని నిలబెట్టిందన్నారు.

సినిమా టెక్నికల్‌గా ఉన్నతంగా ఉంటుందని.. మ్యూజిక్ మెస్మరైజ్ చేస్తుందని చెప్పుకొచ్చారు. కరణ్ సి ప్రొడక్షన్స్ ఎల్‌ఎల్‌పి, మోస్ట్ హ్యాపెనింగ్ ప్రొడక్షన్ హౌస్ శ్రీ వెంకటేశ్వర సినిమాస్ ఎల్‌ఎల్‌పి సంయుక్తంగా నిర్మించిన సినిమా ఉన్నత విలువలతో రూపుదిద్దుకుందని తెలిపారు. కాగా ప్రెస్‌మీట్‌లో హీరో సందీప్ కిషన్, హీరోయిన్ దివ్యాంశ కౌశిక్, వరుణ్ సందేశ్, డైరెక్టర్ రంజిత్ జయకోడి, నిర్మాతలు భరత్ చౌదరి, పుస్కూర్ రామ్ మోహన్ రావు పాల్గొన్నారు.