కిరణ్ అబ్బవరంకు మాస్ ‘మీటర్’ను సెట్ చేస్తుంది: బాబీ

దిశ, సినిమా: మైత్రీ మూవీ మేకర్స్ సమర్పణలో క్లాప్ ఎంటర్‌టైన్‌మెంట్, చిరంజీవి (చెర్రీ), హేమలత పెదమల్లు నిర్మించిన తాజా చిత్రం ‘మీటర్’. కిరణ్ అబ్బవరం కథానాయకుడిగా రమేష్ కడూరి తెరకెక్కించిన యాక్షన్ ఎంటర్‌టైనర్ ఏప్రిల్ 7న విడుదలకానుంది. ఈ మేరకు ప్రమోషన్స్‌లో భాగంగా తాజాగా సినిమా టీజర్‌ను దర్శకుడు బాబీ చేతులమీదుగా విడుదల చేయించారు మేకర్స్. యాక్షన్, కమర్షియల్ ఎలిమెంట్స్ అన్నీ సమపాళ్లలో పక్కా మాస్‌తో కూడిన టీజర్ ఆకట్టుకుంటోంది.

డాషింగ్ అండ్ మాస్ పోలీస్ ఆఫీసర్‌గా ఎంట్రీ ఇచ్చిన కిరణ్ అబ్బవరం.. ‘నా మీటర్లో నేను వెళ్తా నన్ను గెలకొద్దు. నాకు అడ్డు రావద్దు’ అని చెప్పే డైలాగ్ పవర్ ఫుల్‌గా ఉంది. ఇక ఈ టీజర్‌ను ఉద్ధేశిస్తూ మాట్లాడిన బాబీ.. ‘ఇది పక్కా మాస్ కమర్షియల్ మీటర్ అనిపిస్తోంది. కిరణ్ అబ్బవరంకు మాస్ ‘మీటర్’ను సెట్ చేస్తుంది. యూనిట్ అందరికీ ఆల్ ది బెస్ట్’ చెప్పాడు. చివరగా తమ సినిమాను ఆదరించి భారీ విజయం అందించాలని మూవీ యూనిట్ కోరింది.

ఇవి కూడా చదవండి : ‘‘నేను ఒక స్త్రీని.. మీ సూపర్ పవర్ ఏమిటి?’’ అనుష్క స్పెషల్ విషెస్