వాలెంటైన్స్ డే సందర్భంగా భార్యతో కలిసి టూర్ ప్లాన్ చేసిన మెగాస్టార్.. ఎక్కడి వెళ్తున్నారో తెలుసా?

దిశ, సినిమా: మెగాస్టార్ చిరంజీవి ప్రస్తుతం వశిష్ఠ దర్శకత్వంలో సోషియో ఫాంటసీ ఫిల్మ్‌గా తెరకెక్కుతోన్న ‘విశ్వంభర’ చిత్రంలో నటిస్తున్నాడు. ఈ చిత్ర షూటింగ్ శరవేగంగా షూటింగ్ జరుపుకోగా.. చిరు హాలిడే ట్రిప్ తో కాస్త బ్రేక్ పడింది. మళ్లీ మెగాస్టార్ తిరిగొచ్చిన వెంటనే షూటింగ్ మొదలు పెడతామని చిరు వెల్లడించారు. ఇందులో టాలీవుడ్ సీనియర్ స్టార్ హీరోయిన్ త్రిష కథానాయికగా నటిస్తోంది. ఎం ఎం కీరవాణి సంగీతాన్ని సమకూర్చే ఈ సినిమా 2025 జనవరి 10న ప్రపంచవ్యాప్తంగా థియేటర్లలో గ్రాండ్ రిలీజ్ కానుంది.

తాజాగా మెగాస్టార్ చిరంజీవి మెగా ఫ్యాన్స్‌కు శుభవార్త అందించారు. వాలెంటైన్స్ డే సందర్భంగా తన భార్య సురేఖతో కలిసి టూర్ ప్లాన్ చేశారు. ఈ హ్యీపీ మూమెంట్‌లో చిరు తన అభిమానులతో పంచుకున్నారు. ‘నా బెటర్ హాఫ్ సురేఖతో ఒక చిన్న సెలవు కోసం USAకు బయల్దేరాను. నేను తిరిగి వచ్చిన వెంటనే విశ్వంభర చిత్రీకరణ షూటింగ్‌ను ప్రారంభిస్తాను. త్వరలో మీ అందరినీ కలుస్తాను. అలాగే అందరికీ ప్రేమికుల రోజు శుభాకాంక్షలు’ అంటూ చిరంజీవి తన సతీమణితో దిగిన క్యూట్ ఫొటో షేర్ చేసుకున్నాడు.