విజయ్ సినిమాలో మహేష్ బాబు గెస్ట్ రోల్.. అభిమానులకు పండగే!

దిశ, సినిమా: వంశీ పైడిపల్లి దర్శకత్వంలో తెరకెక్కుతున్న తమిళ్ హీరో విజయ్ 66వ చిత్రంలో టాలీవుడ్ సూపర్ స్టార్ మహేష్ బాబు గెస్ట్ రోల్ చేయనున్నాడని సమాచారం. 'మహర్షి' తర్వాత క్లోజ్ ఫ్రెండ్‌గా మారిన వంశీ.. మహేష్‌‌ను ఇందుకు ఒప్పించాడని తెలుస్తోంది. సాధారణంగా మహేష్, విజయ్ ఫ్యాన్స్ సోషల్ మీడియాలో గొడవపడుతూనే ఉంటారు. అసహ్యంగా ట్రోల్ చేసుకుంటారు. ఇలాంటి టైమ్‌లో వీరిద్దరి కాంబినేషన్‌లో సినిమాతో వంశీ మంచి నిర్ణయమే తీసుకున్నారని అంటున్నారు విశ్లేషకులు. అయితే మహేష్ ఈ చిత్రంలో అతిథి పాత్రలో కనిపిస్తారా? బ్యాక్‌గ్రౌండ్ వాయిస్ ఓవర్‌తో సరిపెట్టేస్తారా? చూడాలి మరి. రష్మిక మందన కథానాయికగా నటిస్తున్న ఈ బైలింగువల్ మూవీని దిల్ రాజు నిర్మిస్తున్నాడు.