మహేష్​బాబు న్యూయర్ వేడుకలు అక్కడే

దిశ, వెబ్​డెస్క్​ : కొత్త సంవత్సరానికి స్వాగతం పలికేందుకు సామాన్య ప్రజల నుంచి సెలబ్రెటీల వరకు అంతా సిద్ధమవుతున్నారు. ఇందులో సినీతారలు ముందుంటారు. వీరంతా న్యూ ఇయర్‏కు వెల్‏కమ్ చెప్పేందుకు విదేశాలకు ప్రయాణమయ్యారు. ఇందులో భాగంగా సూపర్​స్టార్​ మహేష్​బాబు తన ఫ్యామిలీతో కలిసి దుబాయ్ వెళ్లారు. శుక్రవారం ఉదయం తన ఫ్యామిలీతో కలిసి హైదరాబాద్ విమానాశ్రయంలో సందడి చేశారు. నిజానికి దుబాయ్‍లో ఓ యాడ్ షూటింగ్ కోసం మహేష్​ వెళ్లారని, అలాగే అక్కడే న్యూ ఇయర్ సెలబ్రేషన్స్ జరుపుకోనున్నారని సమాచారం. అలాగే అల్లు అర్జున్ సైతం తన ఫ్యామిలీతో దుబాయ్ వెళ్లనున్నారని తెలిసింది. ఇటీవల యంగ్ టైగర్ ఎన్టీఆర్ సైతం కుటుంబంతో కలిసి జపాన్ వెళ్లారు.