పూరి డైరెక్షన్‌లో చిరు.. ఇంట్రెస్టింగ్‌గా ఇద్దరి లైవ్ చాట్
మెగాస్టార్ చిరంజీవి నటించిన లేటెస్ట్ మూవీ 'గాడ్ ఫాదర్'. దసరా కానుకగా అక్టోబర్ 5న గ్రాండ్‌గా రిలీజైన ఈ సినిమా పాజిటివ్ టాక్‌ సొంతం చేసుకుంది..Latest Telugu News
దిశ, సినిమా: మెగాస్టార్ చిరంజీవి నటించిన లేటెస్ట్ మూవీ 'గాడ్ ఫాదర్'. దసరా కానుకగా అక్టోబర్ 5న గ్రాండ్‌గా రిలీజైన ఈ సినిమా పాజిటివ్ టాక్‌ సొంతం చేసుకుంది. ఈ సినిమా సక్సెస్ సందర్భంగా తాజాగా చిరంజీవి, పూరీ జగన్నాధ్ మధ్య ఇన్‌స్టాగ్రామ్‌లో లైవ్ చాట్ చేశారు. 'గాడ్ ఫాదర్' మూవీని తెలుగు నేటివిటీకి తగ్గట్టు మార్పులు చేర్పులు చేసిన విషయాన్ని చెప్పుకొచ్చారు. పూరి కూడా ఈ మూవీలో చిన్న పాత్రతో అలరించిన విషయం తెలిసిందే. అయితే మూవీ సక్సెస్ మీట్‌కు పూరి అటెండ్ కాకపోవడంతో అభిమానులు నిరాశ చెందగా.. ఈ విషయాన్ని గుర్తించిన చిరు ఇలా ప్లాన్ చేసి ఫ్యాన్స్‌ను ఖుషీ చేశాడు. ఇంతకుముందు పూరి జగన్నాధ్ 'ఆటో జానీ' అనే స్క్రిప్ట్‌తో చిరంజీవిని సంప్రదించాడు. కానీ ఈ మూవీ స్క్రిప్ట్ దశలోనే ఆగిపోయింది. కాగా ఈ చాట్‌లో చిరు 'ఆటో జానీ' టాపిక్‌ తీసుకొచ్చాడు. 'స్టోరీ ఏం చేశావ్ పూరి' అంటూ ప్రశ్నించాడు. దీనికి పూరి స్పందిస్తూ.. దాన్ని పక్కన పెట్టానని, ఆ పాత లుక్ కాన్సెప్ట్‌తో కాకుండా మెరుగైన స్క్రిప్ట్ ప్రిపేర్ చేస్తానని చెప్పాడు. దీంతో చిరు 'పూరి నీ డైరెక్షన్‌లో వర్క్ చేయడానికి ఎదురుచూస్తున్నాను' అని చెప్పడంతో అటు మెగా ఫ్యాన్స్ ఇటు పూరి అభిమానులు ఖుష్ అవుతున్నారు.
ఇవి కూడా చదవండి :
సల్మాన్ ఖాన్‌ పాత్రలో పవన్ కల్యాణ్.. చిరంజీవి రియాక్షన్ ఇదే!