రామాయణం చేసేటప్పుడు దాని గురించి తెలుసుకోరా? ప్రభాస్‌పై హీరోయిన్ మాధవిలత సంచలన పోస్ట్

దిశ, వెబ్ డెస్క్: పాన్ ఇండియా స్టార్ ప్రభాస్, బాలీవుడ్ బ్యూటీ కృతి సనన్ జంటగా నటించిన చిత్రం ‘ఆదిపురుష్’. దీనిని డైరెక్టర్ ఓం రౌత్ మహాకావ్యం రామాయణం ఆధారంగా రూ. 500 కోట్ల బడ్జెట్‌తో తెరకెక్కించారు. అయితే జూన్ 16న విడుదలై మిక్స్‌డ్ స్పందనను దక్కించుకుంది. అలాగే పలు వివాదాల్లో చిక్కుకుంటూ వస్తుంది. ఇందులో ప్రభాస్ లుక్ రాముడిలాగా కాకుండా జీసస్ లాగా ఉందని.. సీత భారత్‌లో పుట్టినట్లు చూపించడంతో పలువురు విమర్షలు చేశారు. తాజాగా. టాలీవుడ్ హీరోయిన్ మాధవిలత తన ఇన్‌స్టాగ్రామ్‌లో ప్రభాస్‌పై ఓ సంచలన పోస్ట్ షేర్ చేసింది. ‘‘ ఆదిపురుష్ మ్యాటర్‌ వల్ల అందరూ డైరెక్టర్‌ను విమర్షిస్తున్నారు. హీరో విషయంలో సైలెంట్ అయ్యారు. అతనికి బాధ్యత లేదా? స్టోరీ వినేటప్పుడు తీసేటప్పుడు డైలాగ్స్ చెప్పేటప్పుడు ఏం చేశాడు. తనేమన్నా కొత్త హీరోనా డైరెక్టర్ ఏం చెబితే అది చేయడానికి. హీరో చెప్పినట్టు కదా డైరెక్టర్ వినాలి. ప్రభాస్ ఫ్యాన్స్ తిడితే తిట్టుకోండి. అతని తప్పు 50%ఉంది. ఏం రామాయణం చేసేటప్పుడు రామాయణం తెలుసుకోరా? నిష్ఠ నీకు బాధ్యత లేదా’’ అంటూ రాసుకొచ్చింది. దీంతో అది చూసిన ప్రభాస్ ఫ్యాన్స్ మండిపడుతున్నారు.

Also Read: 'ఆదిపురుష్' పై నిషేధం.. అయోధ్య సాధువులు పిలుపు..