ఖుషీ రీ-రిలీజ్: థియేటర్ల వద్ద మాస్ జాతర

దిశ, వెబ్‌డెస్క్: పవర్ స్టార్ పవన్ కల్యాణ్ నటించిన సినిమాల్లో ఖుషీకి ఉన్న క్రేజే వేరు. ఖుషీతో కెరీర్‌లోనే ఫస్ట్‌ బ్లాక్ బస్టర్ హిట్ కొట్టాడు పవన్ కల్యాణ్. అయితే, న్యూ ఇయర్ నేపథ్యంలో ఈ సినిమాను ఇవాళ(31 డిసెంబర్) విడుదల చేసిన విషయం తెలిసిన విషయం తెలిసిందే. దీంతో తెల్లవారుజాము నుంచే అభిమానులు థియేటర్ల వద్ద క్యూ కట్టారు. కొత్త సినిమా మాదిరి కటౌట్లు పెట్టి, పవన్ చిత్రపటానికి పాలాభిషేకాలు చేశారు. డప్పుచప్పుళ్లతో మాస్ సెలబ్రేషన్స్ చేశారు. అభిమాన నటుడు తెరపై కనిపించడంతో డ్యాన్సులతో హోరెత్తించారు. దీంతో 22 ఏళ్ల తర్వాత కూడా ఈ సినిమాను ఇంతలా అభిమానిస్తున్నారంటే, కేవలం అది పవన్ కల్యాణ్‌కే సాధ్యమని సినీ విశ్లేషకులు భావిస్తున్నారు.