Keerthy Suresh: ప్రకృతితో మమేకమైన మహానటి.. వీడియో వైరల్

దిశ, సినిమా: మహానటి కీర్తి సురేష్ ప్రకృతితో మమేకమవుతూ అభిమానులను అలరించింది. ఇటీవలే నాని సరసన నటించిన 'దసరా' షూటింగ్ పూర్తి చేసుకున్న ఆమె ప్రస్తుతం ఫిట్‌నెస్‌పై దృష్టిపెడుతున్నట్లు తెలిపింది. ఈ క్రమంలోనే యోగాసనాలు, వర్కౌట్లు చేస్తున్న ఫొటో, వీడియోలను సోషల్ మీడియా వేదికగా అభిమానులతో పంచుకుంటూ ఫ్యాన్స్ కూడా తనలాగే వ్యాయామం చేయాలని కోరింది. ఈ మేరకు ఇంటి పెరట్లో యోగా డ్రెస్ ధరించి కసరత్తులు చేస్తున్న కీర్తి ఇందుకు సంబంధించిన వీడియోను ఇన్‌స్టాలో పోస్ట్ చేస్తూ.. 'బికమింగ్ వన్ విత్ నేచర్ అండ్ సక్సెస్‌ఫుల్లీ కంప్లీట్ ఆన్ యానిమల్ ఫ్లో ఫర్ ది ఫస్ట్ టైమ్' అని క్యాప్షన్ ఇచ్చింది. ప్రస్తుతం వైరల్ అవుతున్న పోస్ట్ నెటిజన్లను ఆకట్టుకోగా పాజిటివ్ కామెంట్లతో నటిని పొగిడేస్తున్నారు ఫ్యాన్స్.