సిగ్గుండాలి.. అంటూ పూనమ్ పాండే మరణవార్త పై కస్తూరి శంకర్ వైరల్ కామెంట్స్

దిశ, సినిమా: రీసెంట్ గా బాలీవుడ్ బ్యూటీ పూనమ్ పాండే నకిలీ మరణవార్త దేశవ్యాప్తంగా సంచలనం సృష్టించింది. ఆమె సర్వైకల్ క్యాన్సర్ కారణంగా మరణించినట్లు ఇన్ స్టా వేదికగా ప్రకటించారు. దీంతో పూనమ్ మరణంపై సినీ ప్రముఖులు దిగ్ర్భాంతి వ్యక్తం చేశారు. కానీ మరుసటి రోజు పూనమ్ తాను మరణించలేదని ఓ వీడియో రిలీజ్ చేసింది. ‘నేను బ్రతికే ఉన్నాను. కేవలం నేను గర్భాశయ క్యాన్సర్ గురించి అవగాహన కల్పించేందుకు ఇలా చేశాను’ అంటూ చెప్పుకొచ్చింది. దీంతో ఆమెపై దేశ ప్రజలు ఆగ్రహం వ్యక్తం చేశారు. ఇలాంటి తప్పుడు పోస్ట్ లు పెట్టి జనాలను ఎందుకు పిచ్చివాలని చేస్తున్నావ్ అంటూ మండి పడిపోయారు. నకిలీ వార్తలను పోస్ట్ చేసినందుకు గాను పూనమ్ పై చర్యలు తీసుకోవాలని డిమాండ్ చేస్తున్నారు. అలాగే పూనమ్ పై ఇటు పలు సినీ యాక్టర్ లు కూడా స్పందించారు.

ఇందులో భాగంగా తాజాగా సౌత్ యాక్టర్ కస్తూరి శంకర్.. పూనమ్ పోస్ట్ పై ఆసక్తికర కామెంట్స్ చేసింది.. ‘ ఆమె వయస్సు 32 సంవత్సరాలు అని చెప్పినప్పుడే నాకు అర్థమైంది. అది ఫేక్ న్యూస్ అని.. కేవలం పబ్లిసిటీ కోసమే అని. ఎందుకంటే ప్రజలకు సర్వైకల్ క్యాన్సర్ గురించి పూర్తిగా తెలుసు. దానికి కారణంగా ఏం జరుగుతుంది అనేది కూడా తెలుసు. పూనమ్ కేవలం ప్రజల దృష్టిని ఆకర్షించేందుకు ఇలా తెలిపింది. కానీ క్యాన్సర్ జబ్బును ఇలా పబ్లిసిటీ స్టంట్ కోసం ఉపయోగించడం నిజంగా సిగ్గుచేటు’ అంటూ రాసుకొచ్చింది కస్తూరి. ప్రజంట్ ఈ మాటలు వైరల్ అవుతున్నాయి.