ఇందిరా గాంధీ స్టోరీ.. కంగనా రనౌత్ ‘ఎమర్జన్సీ’ విడుదల తేదీ ఖరారు!!

దిశ, సినిమా: బాలీవుడ్ ఫైర్ బ్రాండ్ కంగనా రనౌత్ గురించి సుపరిచితమే. ఈ బ్యూటీ భాషతో సంబంధం లేకుండా వరుస సినిమాల్లో నటిస్తూ ప్రేక్షకులను అలరిస్తుంది. తరచూ కాంట్రావర్సీ కామెంట్స్ చేస్తూ.. వార్తల్లో నిలుస్తుంటుంది. తాజాగా అయోధ్యలో రామ మందిర ప్రాణ ప్రతిష్ట కార్యక్రమానికి హాజరై సందడి చేసింది. కాషాయ రంగు ఉట్టిపడేలా శారీ కట్టుకుని రామమందిరానికి వెళ్లింది. కర్లీ హెయిర్‌తో కంగనా ప్రత్యేక అట్రెక్షన్‌గా నిలిచింది.

రీసెంట్‌గా కంగనా ఓ మిస్టరీ మ్యాన్ చేతిని పట్టుకుని సలూను నుంచి బయటకు వస్తున్న ఓ పిక్ సోషల్ మీడియాలో వైరల్ అయ్యింది. దీంతో కంగనా అతడినే మ్యారేజ్ చేసుకోబోతుందా ఏంటి? అని జనాలు ఆరా తీస్తున్నారు. ఈ బ్యూటీ ఇప్పటివరకు తన పెళ్లిపై వస్తున్న ఏ వార్తలకు కూడా స్పందించడం లేదు. దీంతో జనాలు వారికి వారే డిసైడ్ అవుతున్నారు. కంగనా నుంచి ఎలాంటి స్పందన లేదంటే త్వరలోనే గుడ్ న్యూస్ చెబుతుంది కావచ్చు అంటున్నారు.

సినిమాల విషయానికొస్తే..

ఇటీవల తెరకెక్కిన చంద్రముఖి-2 లో కంగనా అద్భుతంగా నటించి ప్రేక్షకులను ఆక్టటుకున్న విషయం తెలిసింది. ఇప్పుడు కంగనా సరికొత్త స్టోరీతో ప్రేక్షకుల ముందుకు రాబోతుంది. స్వయంగా తానే దర్శకత్వం, నిర్మాత గా వ్యవహరిస్తున్న ‘ఎమర్జన్సీ’ అనే ఈ సినిమాలో కంగనా ఇందిరా గాంధీ పాత్రలో నటిస్తుంది. 1975 ఇందిరా గాంధీ ప్రధానిగా ఉన్న సమయంలో జరిగిన పరిణామాల ఆధారంగా ఈ మూవీ తెరకెక్కిస్తున్నారు. ఎమర్జన్సీ పరిస్థితుల్లో ఇందిరా గాంధీ ఏం చేశారన్నది ఇందులో చూపిస్తారు.

అయితే తాజాగా కంగనా ఈ సినిమా రిలీజ్ డేట్ ను ప్రకటించింది. ‘ఇండియా చీకటి రోజుల వెనక కథను చూడండి. ఈ ఏడాది జూన్ 14 న విడుదలవుతుంది’ అని సోషల్ మీడియాలో పోస్ట్ పెట్టింది. ఇక ఈ మూవీలో అనుపమ్ ఖేర్, మహిమా చౌదరి, శ్రేయాస్ తల్పాడే, మిలింద్ సోమన్, విశాక్ నాయర్ ముఖ్య పాత్రల్లో నటించనున్నారు. జూన్ 14 వ తేదీన ప్రపంచవ్యాప్తంగా విడుదలయ్యే ఈ సినిమా కోసం కంగనా ఫ్యాన్స్ ఎంతగానో ఎదురు చూస్తున్నారు.