దుండగుల కాల్పుల్లో ప్రముఖ నటి రియా కుమారి దారుణ హత్య..

దిశ, వెబ్‌డెస్క్: జార్ఖండ్ రాష్ట్రానికి చెందిన ప్రముఖ నటి రియా కుమారి బుధవారం దారుణ హత్యకు గురైంది. భర్త, కూతురితో కలిసి కారులో ప్రయాణిస్తుండగా.. బెంగాల్ హైవేపై వీరి కారును దొంగలు అడ్డుకుని దోపిడికి పాల్పడ్డారు. ఈ క్రమంలో దొంగలపై నటి రియా ప్రతిఘటించింది.. దీంతో దొంగలు ఆమెను పాయింట్-బ్లాంక్ రేంజ్‌లో కాల్చి చంపారు. రియా కుటుంబంతో కలిసి రాంచీ నుంచి కోల్‌కతాకు వెళ్తుండగా ఈ ప్రమాదం జరిగినట్లు పోలీసులు వెల్లడించారు. నటి భర్త ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు పోలీసులు తెలిపారు. కాగా, జార్ఖండ్‌లో ప్రముఖ నటి అయిన రియాకుమారి స్క్రీన్‌పై ఇషా అలియా పేరుతో ప్రేక్షకులకు సుపరిచితం.