Janhvi Kapoor: ఆయనకు ఒక్క సెకను చాలు.. నాకు 10 డేస్ పడుతుంది.. జాన్వీ కపూర్ కామెంట్స్ వైరల్

దిశ, సినిమా: బాలీవుడ్ బ్యూటీ జాన్వీ కపూర్ ప్రజెంట్ భాషతో సంబంధం లేకుండా వరుస సినిమాలు చేస్తూ సందడి చేస్తుంది. ఈ క్రమంలోనే ప్రస్తుతం తెలుగులో ‘దేవర’, ‘RC16’ రెండు సినిమాలు చేస్తున్న సంగతి తెలసిందే. వాటిలో ‘దేవర’ మూవీ విషయానికి వస్తే జూనియర్ ఎన్టీఆర్ హీరోగా కొరటాల శివ దర్శకత్వంలో ఇది తెరకెక్కబోతుంది. ఈ చిత్రం నుంచి ఇప్పటివరకు వచ్చిన ప్రతి అప్‌డేట్ ఎంతో ఆకట్టుకున్నాయి. అంతేకాకుండా ప్రజెంట్ ఈ సినిమాకు సంబంధించిన షూటింగ్ శరవేగంగా జరుగుతోంది. ఈ క్రమంలోనే ఇటీవల ఎన్టీఆర్, జాన్వీ కపూర్‌లు ఓ సాంగ్ షూట్‌ను పూర్తి చేసుకున్నారు.

ఇక తాజాగా ఓ ఇంటర్వ్యూలో పాల్గొన్న జాన్వీ ఈ సాంగ్ షూటింగ్‌కు సంబంధించిన పలు విషయాలు పంచుకుంటూ ఎన్టీఆర్‌పై ప్రశంసలు కురిపిరించింది. ‘ఎన్టీఆర్ ఎనర్జిటిక్ హీరో. ఆయన సెట్‌లోకి రాగానే అందరూ చాలా ఉత్సాహంగా ఉంటారు. ఇటీవల మా ఇద్దరిపై ఓ పాటను చత్రీకరించారు. NTR డ్యాన్స్ వేసే స్పీడ్ చూసి నేను ఆశ్చర్యపోయా. ఆయన ఒక్క సెకనులోనే ఎలాంటి డ్యాన్స్ మూమెంట్ అయినా నేర్చుకోగలరు. నాకు మాత్రం 10 డేస్ పడుతుంది’ అంటూ చెప్పుకొచ్చింది. ప్రజెంట్ జాన్వీ కామెంట్స్ నెట్టింట వైరల్ అవుతున్నాయి.