బాహుబలి సినిమా వల్ల రోడ్డు పాలైన జబర్దస్త్ కమెడియన్.. సంచలన కామెంట్స్

దిశ, సినిమా: జబర్దస్త్ లో కూడా తనకంటూ ఒక ప్రత్యేకమైన స్థానాన్ని సంపాదించుకున్న ధనరాజ్ గురించి ప్రత్యేకంగా చెప్పాల్సిన పనిలేదు. దీంతో పాటు టాలీవుడ్ లో కూడా కమెడియన్ గా మంచి పాపులారిటీ సంపాదించుకున్నాడు. అయితే ధనరాజ్ తన సినీ కెరియర్లో సంపాదించిందంతా బాహుబలి సినిమా వల్ల పోగొట్టుకున్నానని ఇటీవల ఒక ఇంటర్వ్యూలో మాట్లాడుతూ తెలియజేశారు.

ధనరాజ్ నిర్మించిన చిత్రం ‘ధనలక్ష్మి తలుపు తడితే’.. ఈ సినిమాలో ధనరాజ్ తో పాటు శ్రీముఖి కూడా నటించింది. ఈ సినిమా విడుదలైన సమయంలో వరుణ్ తేజ్ నటించిన ‘లోఫర్’ సినిమా షూటింగ్ జరుగుతూ ఉండడంతో రాజస్థాన్ కి వెళ్ళాం.. ఆ సమయంలో తన సినిమా విడుదల అయ్యింది.. అప్పటికే మంచి హిట్ టాక్ తో తన సినిమా ముందుకు వెళుతోంది. కానీ ఆ తర్వాత వారమే బాహుబలి సినిమా విడుదల కావడంతో మొదటి వారంలోనే తమ చిత్రాన్ని చూడటానికి ఎవరూ రాలేదనీ తెలిపారు ధనరాజ్

బాహుబలి సినిమా విడుదలయ్యాక కూడా థియేటర్ అగ్రిమెంట్ ప్రకారం ఈ సినిమాని తీసేసారని దీంతో తమ సినిమాకు భారీగా నష్టాలు వచ్చాయని తాను సంపాదించిన డబ్బులతో పాటు తన స్నేహితుల దగ్గర నుంచి అప్పు తీసుకొని మరి ఈ సినిమా చేశాను అంతా కూడా నష్టపోయారని తెలిపారు. తన భార్య ఈ డబ్బులు ఏదైనా భూమి మీద పెట్టుబడి పెట్టింటే మంచి లాభాలు ఉండేవనీ తెలిపిందని..కానీ తన భార్య మాట వినకుండా సినిమా చేసి చాలా తప్పు చేశానని ధన్ రాజ్ తెలియజేశారు. ప్రస్తుతం ఈ వార్త నెట్టింట హల్‌చల్ చేస్తుంది.