Chinna Katha Kaadu: పెద్ద సినిమా అంటే పోస్ట్ పోన్ అవ్వడమే ట్రెండ్ అంటూ ఆసక్తికర పోస్ట్

దిశ, సినిమా: టాలీవుడ్ యంగ్ బ్యూటీ నివేదా థామస్ గత కొద్ది కాలంగా సినిమాలకు దూరంగా ఉన్న విషయం తెలిసిందే. ఈ అమ్మడు చివరిసారిగా నటించిన లేడీ ఓరియెంటెడ్ మూవీ షాకిని, డాకిని. ఇందులో నివేదాతో పాటు రెజినా కసండ్రా కీలక పాత్రలో నటించి మెప్పించింది. ఇక నివేదా సినిమాల విషయానికొస్తే..ప్రజెంట్ ఓ ‘చిన్న కథ కాదు’ అనే సినిమాతో ప్రేక్షకుల ముందుకు రాబోతుంది. ఇప్పటికే ఇందులోంచి విడుదలైన పోస్టర్స్, సాంగ్స్, టీజర్, ట్రైలర్ మంచి హైప్‌ను క్రియేట్ చేశాయి. అయితే ఈ సినిమా ఆగస్టు 15న విడుదల చేయబోతున్నట్లు ప్రకటించారు మేకర్స్.

అయితే అదే రోజున చాలా పెద్ద సినిమాలు విడుదలకు సిద్ధంగా ఉండటంతో మేకర్స్ చిన్న కథ కాదు మూవీని వాయిదా వేశారు. తాజాగా, చిన్న కథ కాదు మేకర్స్ ట్విట్టర్ వేదికగా ఓ పోస్ట్ పెట్టి అందరి దృష్టిని ఆకర్షించారు. ‘‘ టీచర్ చెప్తే వినాలి. రిలీజ్ తేదీ మారాలి.. ప్రియమైన ఈ ఆగస్టు 15కి మాస్ మసాలా సిలబస్ మీద పరీక్షలున్నాయి కాబట్టి, మా 35 ఫ్యామిలీ డ్రామా సిలబస్ పరీక్షని మా టీచర్ మరో మంచిరోజుకి మార్చారు. త్వరలో మీ అందరిని పలకరిస్తాము. చిన్న కథ కాదు అనిపించుకుంటాము’’ అని రాసుకొచ్చారు.