భారతీయుడు 2 షూటింగ్.. హెలికాప్టర్‌లో ఎంట్రీ ఇచ్చిన కమల్

దిశ, వెబ్‌డెస్క్: కమలహాసన్ హీరోగా తెరకెక్కిన సినిమా 'భారతీయుడు' ఎంతటి ఘన విజయం సాధించిందో అందరికీ తెలిసిందే. ఈ క్రమంలోనే ఈ మూవీ సీక్వెల్ కూడా ప్లాన్ చేశారు చిత్ర బృందం. దీనికి సంబంధించిన షూటింగ్ కూడా కొంత వరకు పూర్తి అయినప్పటికీ.. గతంలో కొన్ని కారణాల చేత షూటింగ్ వాయిదా పడింది. ఇక తాజాగా ఈ సినిమా షూటింగ్ పనులు మరల ట్రాక్ లోకి తీసుకు వచ్చారు.

స్టార్ దర్శకుడు శంకర్ డైరెక్షన్‌లో తెరకెక్కుతున్న సినిమా 'భారతీయుడు 2'. ప్రస్తుతం రాయలసీమలో ఈ సినిమా షూటింగ్ జరుగుతుంది. కడప జిల్లా గండికోటలో వేసిన ప్రత్యేక సెట్‌లో బ్రిటీష్ కాలం నాటి సన్నివేశాలు చేస్తున్నారు. అయితే ఈ షూటింగ్ కోసం డైలీ కమలహాసన్ తిరుపతి నుంచి హెలికాప్టర్‌లో షూటింగ్‌కు గండికోటకు వచ్చి వెళుతున్నారు. దీనికి సంబంధించిన ఫొటో ప్రస్తుతం సోషల్ మీడియాలో వైరల్ అవుతుంది.