ఎన్టీఆర్‌ను చూస్తే పిచ్చెక్కి పోతుంది.. ఆ విషయంలో అతనే బెస్ట్ అంటున్న హీరోయిన్!

దిశ, సినిమా: ఒకప్పుడు టాలీవుడ్‌ను షేక్ చేసిన హీరోయిన్ ఆమె. చేసింది కొన్ని సినిమాలే అయినా తనకంటూ స్పెషల్ ఫేమ్ క్రియేట్ చేసుకుంది. ఇన్నోసెంట్‌ అమ్మాయిగా, యాటిట్యూడ్ బ్యూటీగా, గ్లామరస్ నటిగా, పల్లెటూరి పిల్లగా.. ఇలా అన్ని పాత్రల్లో నటించి మెప్పించిన సీనియర్ నటి రంభకు అప్పట్లో ఫుల్ ఫ్యాన్ ఫాలోయింగ్ ఉండేది. పదేండ్లపాటు హీరోయిన్‌గా రాణించిన ఆమె తెలుగులో 40, తమిళంలో 35, కన్నడలో 9, మలయాళంలో 7, హిందీలో 17 వరకు సినిమాలు చేసి మంచి గుర్తింపు తెచ్చుకుంది.

ఇక తన కెరీర్ మొత్తంలో రంభ 117 సినిమాలు చేయగా.. ఇందులో కొన్ని ఐటమ్ సాంగ్స్ కూడా ఉన్నాయి. ఇదిలా ఉండగా.. చిరంజీవి, అల్లు అర్జున్, ప్రభుదేవా, బాలయ్యలను కాదని ఆ విషయంలో మాత్రం జూనియర్ ఎన్టీఆర్‌కే ఓటేసింది రంభ. ఓ ఇంటర్వ్యూలో పాల్గొన్న ఆమె ‘డ్యాన్స్ బాగా చేసిన హీరోల్లో మీ ఫేవరెట్ ఎవరు?’ అనే ప్రశ్న ఎదురవగా జూనియర్ ఎన్టీఆర్ పేరు ప్రస్తావిస్తూ అతన్ని చూస్తే ముచ్చటేస్తుంది. పిచ్చెక్కిపోతుందంటూ తారక్ డ్యాన్స్‌పై ప్రశంసల వర్షం కురిపించింది. వ్యక్తిగతంగా తనకు చిరంజీవి అంటే ఇష్టమే కానీ, డ్యాన్స్ విషయానికి వస్తే మాత్రం జూనియర్ ఎన్టీఆర్ మాత్రమే సూపర్ అంటూ తెగపొగిడేసింది.