తెలుగు ఇండస్ట్రీ నన్ను ఆ రకంగా చూసేది: జెనీలియా

దిశ, సినిమా: తెలుగు ప్రేక్షకులు ఒక్కసారి మెచ్చితే చాలు ఎలాంటి నటీనటులనైనా స్టార్స్‌ గా మార్చేస్తారు. చాలా వరకు హీరోయిన్లకు అవ‌కాశాల రావ‌డం వెనుక ప్రధాన కార‌ణం కూడా ఈ ఫాలోయింగ్ అనే చెప్పాలి. ఇలాంటి అభిమానం సంపాదించుకున్న హీరోయిన్స్‌లో జెనీలియా ఒకరు. ‘బొమ్మరిల్లు’ మూవీతో ఎంతో మందిని ఆకట్టుకున్న ఈ ముద్దుగుమ్మ.. తాజాగా తెలుగు ఇండస్ట్రీపై వైరల్ కామెంట్ చేసింది.

‘నేను తెలుగు, త‌మిళ‌, మ‌ల‌యాళ భాష‌ల్లో న‌టిస్తున్నప్పుడు.. కొంత మంది బాలీవుడ్ నుంచి వ‌చ్చి ద‌క్షిణాది సినిమాలు చేస్తుంది అనేవారు. ఎక్కడో నాపై చిన్న చూపు చూపించినట్లు అనిపించేది. కానీ నాకు అలాంటి బేధాలు ఏం లేవు. ఎందుకంటే సౌత్ ఇండస్ట్రీ నుంచి నేను చాలా నేర్చుకున్నాను. ఇప్పటికి కూడా తెలుగులో అవకాశం వస్తే వదులుకోను’ అంటూ చెప్పుకొచ్చింది.