ఆ స్టార్ యాంకర్‌ను ఇన్స్పిరేషన్‌గా తీసుకుని హీరో అయ్యాను.. నవీన్ చంద్ర ఆసక్తికర వ్యాఖ్యలు!

దిశ, వెబ్‌డెస్క్: యంగ్ హీరో నవీన్ చంద్ర, కలర్స్ స్వాతి కలిసి నటించిన తాజా చిత్రం ‘మంత్ ఆఫ్ మధు’. ఈ సినిమా నుంచి ఇప్పటికే విడుదలైన పోస్టర్స్, టీజర్, ట్రైలర్ జనాలను ఆకట్టుకున్నాయి. కాగా ఈ మూవీ అక్టోబర్ 6న థియేటర్స్‌లో విడుదల కానుంది. ఈ క్రమంలో తాజాగా, మంత్ ఆఫ్ మధు ప్రమోషన్స్‌లో పాల్గొన్న నవీనం చంద్ర ఆసక్తికర వ్యాఖ్యలు చేశాడు. ‘‘ నేను ఇండస్ట్రీకి హీరోగా రావడానికి కారణం యాంకర్ ఉదయ భాను గారు. నేను హీరో కాకముందు ఓ డాన్స్ షో కోసం అన్నపూర్ణ స్టూడియోకి వచ్చాను. ఆ సమయంలో ఉదయభాను గారిని కలిసి మాట్లాడాను. అసలు ఆమెకు నాకు ఎలాంటి రిలేషన్ లేనప్పటికీ ఆమెను నేను ఇన్స్పిరేషన్‌గా తీసుకొని ఇండస్ట్రీలోకి అడుగు పెట్టి హీరో అయ్యాను. ఎలాంటి ఒడిదుడుకులు ఎదురైనా వెనకడుగు వేయకుండా ముందుకు కొనసాగాను. ఉదయభానుతో కాంటాక్ట్ లేకపోయినా సోషల్ మీడియాలో మాత్రం ఆమెను ఫాలో అవుతాను’’ అంటూ నవీన్ చంద్ర చెప్పుకొచ్చాడట. ఇందులో నిజమెంత ఉందో తెలియదు కానీ ఆయన చేసిన కామెంట్స్ మాత్రం నెట్టింట హల్ చల్ చేస్తున్నాయి.