Pawan Kalyan: పవర్ స్టార్ పక్కన చాన్స్ రావడం నా అదృష్టం.. యంగ్ బ్యూటీ ఆసక్తికర కామెంట్స్

దిశ, సినిమా: యంగ్ బ్యూటీ ప్రియాంక అరుల్ మోహన్ గురించి ప్రత్యేకంగా చెప్పాల్సిన పని లేదు. ఈ అమ్మడు నేచురల్ స్టార్ నాని గ్యాంగ్ స్టార్ సినిమాతో టాలీవుడ్ ఇండస్ట్రీకి పరిచయం అయింది. ఆ తర్వాత డాన్, డాక్టర్ వంటి చిత్రాలు చేసి మంచి గుర్తింపు తెచ్చుకుంది. ముఖ్యంగా కోలీవుడ్ స్టార్ హీరో ధనుష్‌తో కెప్టెన్ మిల్లర్ మూవీ చేసి బ్లాక్ బస్టర్ హిట్ అందుకుంది. ఈ అమ్మడు తెలుగులో పవర్ స్టార్ పవన్ కల్యాణ్ ఓజీ చిత్రంలో ఆఫర్ కొట్టేసింది.

ప్రజెంట్ నాని సరిపోదా శనివారం సినిమాతో ప్రేక్షకుల ముందుకు రాబోతుంది. అయితే ఈ మూవీని వివేక్ ఆత్రేయ తెరకెక్కించగా.. ఇందులో ఎస్ జె సూర్య కీలక పాత్రలో నటించాడు. సరిపోతా శనివారం మూవీ ఆగస్టు 29న గ్రాండ్‌గా థియేటర్స్‌లో విడుదల కాబోతుంది.ఈ క్రమంలో.. మేకర్స్ ప్రమోషన్స్ స్టార్ట్ చేశారు. ఇందులో భాగంగా, ప్రియాంక అరుల్ మోహన్ ఆసక్తికర కామెంట్స్ చేసింది. ‘‘ ఓజీ లాంటి సినిమాలో నేను నటిస్తున్నందుకు చాలా సంతోషంగా ఉంది.

ముఖ్యంగా పవన్ కల్యాణ్ సరసన నటించడం నా అదృష్టంగా భావిస్తున్నాను. ఆ అవకాశం నాకు ఇచ్చిన దర్శకనిర్మాతలకు ధన్యవాదాలు తెలుపుతున్నాను. అయితే పవన్ కల్యాణ్, నాని ఇద్దరూ క్రియేటివ్‌గా ఆలోచిస్తారు. నాని సినిమాల గురించి కలలు కంటే.. పవన్ మాత్రం ప్రజల్లోకి వెళ్లడం కోసమే ఇండస్ట్రీకి వచ్చారని అనిపిస్తుంది నాకు’’ అని చెప్పుకొచ్చింది. ప్రస్తుతం ప్రియాంక అరుల్ మోహన్ కామెంట్స్ నెట్టింట వైరల్ అవుతున్నాయి.