అవసరమైతే అది కోసుకుంటా.. కానీ ఆమెతో ఆ పని మాత్రం చేయను.. స్టార్ నటుడు షాకింగ్ కామెంట్స్

దిశ, సినిమా: ఈటీవీలో ప్రసారమయ్యే ఢీ డాన్స్ రియాలిటీ షోలో హైపర్ ఆది కామెడీ, పంచులు, సెటైర్ల గురించి ప్రత్యేకంగా చెప్పాల్సిన అక్కర్లేదు. ఆది కామెడీతో బుల్లితెర ప్రేక్షకులనంతా కడుపుబ్బా నవ్విస్తాడు. జడ్జెస్, కంటెస్టెంట్స్, యాంకర్స్ టార్గెట్ గా హైపర్ ఆది పంచులు ఆటం బాంబుల్లా పేలుతూ ఉంటాయి. గతంలో హైపర్ ఆది, ప్రదీప్ మాచిరాజు,సుడిగాలి సుధీర్ కాంబో సూపర్ డూపర్ హిట్ అయ్యింది.

ప్రస్తుతం ఈ షోలో ఆది మాత్రమే ఉన్నాడు. ప్రదీప్, సుడిగాలి సుధీర్ షో నుంచి తప్పుకున్నారు. కొత్తగా నండు ఎంట్రీ ఇచ్చాడు. అయితే తాజా ఎపిసోడ్ లో హైపర్ ఆది చేసిన ఓ స్కిట్ ప్రేక్షకులను విపరీతంగా ఆకట్టుకుంటుంది.‘‘ఆది ‘కార్తీక దీపం’ సీరియల్ లోని డాక్టర్ బాబు గెటప్‌లో దర్శనమిస్తాడు. ఢీ వేదిక మీదున్న ఇద్దరు లేడీ డాన్సర్స్ తో కామెడీ చేస్తాడు. ఓ డాన్సర్ తన కంట్లో నలక పడిందని అనగా.. ఆమె వద్దకు వెళ్లి నలక తీయడానికి ట్రై చేస్తాడు. దీంతో నందు ఏయ్ ఏయ్ ఏం చేస్తున్నావంటాడు.

కంట్లో నలక తీయాలంట అని ఆది అనగా.. నలక పడితే కంట్లో ఊదాలి లేదా నాలుకతో తీయాలని యాంకర్ నందు అంటాడు. ఇక హైపర్ ఆది.. అవసరమైతే నా నాలుక కోసుకుంటాను. కానీ నీ జోలికి మాత్రం రాను అని పంచ్ వేస్తాడు. దీంతో అక్కడున్నవారంతా గట్టిగా నవ్వుతారు. తర్వాత కార్తీక దీపం హిమ ఎందుకు అమ్మకు అన్యాయం చేస్తున్నావ్ అని అడగ్గా.. అరేయ్ ఈ అమ్మాయికి ఎవరైనా చెప్పండ్రా నేను డాక్టర్ బాబును కాదని అంటాడు హైపర్ ఆది. ప్రస్తుతం దీనికి సంబంధించిన ప్రోమో సోషల్ మీడియాలో వైరల్ అవుతోంది.