అబ్బాయిలు నేను చనిపోలేదు.. పూనమ్‌కి సెటైర్ వేసిన బోల్డ్ బ్యూటీ (పోస్ట్ వైరల్)

దిశ, సినిమా: బోల్డ్ బ్యూటీ ఉర్ఫీ జావెద్ గురించి తెలిసిందే. తన వెరైటీ డ్రెస్సులతో, వేషధారణతో ఎంతో పాపులారిటీ తెచ్చుకుంది ఈ బ్యూటీ. నిత్యం సోషల్ మీడియాలో యాక్టీవ్‌గా ఉండే ఈ అమ్మడు.. బోల్డ్ లుక్‌లో దర్శనమిస్తు కుర్రాళ్లను మెస్మరైజ్ చేస్తుంది. ఈ హాట్ బ్యూటీకి సామాజిక మాధ్యమాల్లో ఎంతో ఫాలోయింగ్ ఉందంటే ఏ పోస్ట్ పెట్టిన అది క్షణాల్లో వైరల్ అవుతుంది. ఈ క్రమంలోనే ఉర్ఫీ పూనమ్ పాండేకు కౌంటర్‌గా పెట్టిన పోస్ట్ నెట్టింట నవ్వులు పూయిస్తోంది.

బెడ్‌పై పడుకుని ఒక కన్నుతో చూస్తున్న ఫొటోను షేర్ చేస్తూ.. ‘హాయ్ అబ్బాయిలు నేను చనిపోలేదు. హ్యాంగోవర్ గురించి అవగాహన కల్పిస్తున్నాను. మీరు మద్యపానం చేస్తున్నప్పుడు.. మీరు బతికున్నట్లుగా అనిపిస్తుంది. కానీ మరుసటి రోజు, మీరు చనిపోయినట్లు అనిపిస్తుంది. అయితే మీరు నిజంగా చనిపోరు. చనిపోయిన వారు చనిపోలేదు క్షమించండి’ అంటూ ఉర్ఫీ తన ఇన్‌స్టాగ్రామ్‌లో పోస్ట్ పెట్టింది. ఇది ప్రస్తుతం నెట్టింట వైరల్ కావడంతో రకరకాల కామెంట్లు వస్తున్నాయి.

అయితే.. నటి పూనమ్ పాండే గర్భాశయ క్యాన్సర్‌తో చనిపోయిందని తన మేనేజర్ ఇన్‌స్టా పోస్ట్ పెట్టాడు. అది నిజమని చాలా మంది సోషల్ మీడియా వేదికగా సంతాపం తెలియజేశారు. అయితే.. ‘నేను గర్భాశయ క్యాన్సర్‌తో చనిపోలేదు. మీ అందరికీ ఈ క్యాన్సర్‌పై అవగాహన కల్పించాలి అనుకన్నాను’ అంటూ ఓ వీడియో రిలీజ్ చేసింది పూనమ్ పాండే. దీంతో ఆమెపై నెట్టింట నెగిటివిటి బాగా పెరిగిపోయింది. ఇలాంటి పబ్లిసిటీ స్టంట్ చేసిన పూనమ్ పాండే, మెనేజర్‌పై పోలీసులు చర్యలు తీసుకోవాలని డిమాండ్ చేస్తున్నారు. ఈ క్రమంలోనే ఉర్ఫీ జావెద్ పెట్టిన పోస్ట్ పూనమ్ పాండేకు కౌంటర్‌గా ఉందని కామెంట్లు పెడుతున్నారు నెటిజన్లు.