Rajinikanth: ఆ విషయం ప్రపంచానికి తెలుసు.. చంద్రబాబుపై రజినీకాంత్ కీలక వ్యాఖ్యలు

దిశ, వెబ్‌డెస్క్: టీడీపీ అధినేత, ఏపీ మాజీ సీఎం చంద్రబాబుపై స్టార్ హీరో రజనీకాంత్ ఇంట్రెస్టింగ్ కామెంట్స్ చేశారు. ఐటీ గురించి అందరికి సరిగ్గా తెలియని రోజుల్లోనే చంద్రబాబు ఐటీని ప్రమోట్ చేశారని ప్రశంసించారు. చంద్రబాబు ఐటీ విజన్‌ ఏంటో ప్రపంచానికి తెలుసు అని అన్నారు. హైదరాబాద్‌కు వస్తే ఇండియాలో ఉన్నానా..? న్యూయార్క్‌లో ఉన్నానో అర్థం కాలేదని రజినీ ఆసక్తికర వ్యాఖ్యలు చేశారు. చంద్రబాబు నాకు 30 ఏళ్లుగా మిత్రుడని వారి మధ్య ఉన్న స్నేహాన్ని ఈ సందర్భంగా రజినీ కాంత్ గుర్తు చేసుకున్నారు. విజయవాడలో ఎన్టీఆర్ శత జయంతి ఉత్సవాలు అట్టహాసంగా ప్రారంభం అయ్యాయి. ఈ వేడుకలకు చంద్రబాబు, బాలకృష్ణలతో కలిసి ముఖ్య అతిథిగా స్టార్ హీరో రజినీ కాంత్ హాజరయ్యారు. ఈ సందర్భంగా మాట్లాడిన రజినీ పై కామెంట్స్ చేశారు.