హీరో నవీన్ చంద్ర భార్య ఆ స్టార్ డైరెక్టర్ దగ్గర అసిస్టెంట్ డైరెక్టర్‌గా పని చేసిందా?

దిశ, వెబ్‌డెస్క్: ‘అందాల రాక్షసి’ సినిమాతో టాలీవుడ్ ఇండస్ట్రీకి పరిచయమయ్యాడు హీరో ‘నవీన్ చంద్ర’. ప్రస్తుతం ఈ హీరో కలర్స్ స్వాతితో కలిసి ‘మంత్ ఆఫ్ మధు’ చిత్రంలో నటిస్తున్నాడు. ఖచ్చితంగా ఈ మూవీ సూపర్ హిట్ కొట్టి సక్సెస్ ట్రాక్‌లోకి వస్తానని ధీమాతో ఉన్నట్లు తెలుస్తోంది. కాగా ఈ సినిమా అక్టోబరు 6వ తేదీన ప్రేక్షకుల ముందుకు రానుంది. ఇదంతా పక్కన పెడితే.. పెద్దగా ఎవ్వరికీ పరిచయం లేని నవీన్ చంద్ర భార్య ‘ఓర్మా’ గురించి నెట్టింట ఓ వార్త స్ప్రెడ్ అవుతోంది. కేరళకు చెందిన ఓర్మాను నవీన్ పెళ్లి చేసుకుని.. ఈ ఏడాది ఏప్రిల్‌లో పండంటి మగ బిడ్డకు జన్మనిచ్చారు. ఈ హీరో గతేడాది ప్రేమికుల రోజున సోషల్ మీడియా వేదికగా ఈ హీరో తన భార్యను ఇంట్రడ్యూస్ చేశాడు. ‘‘తాను కేరీర్‌ పరంగా సక్సెస్ సాధించడం వెనక నా భార్య ఉంది. తను చాలా సపోర్ట్‌గా ఉంటుంది. అంటూ నవీన్ ఎన్నో సందర్భాల్లో చెప్పుకొచ్చారు. కాగా నవీన్ తాజాగా ఓ ఇంటర్వ్యూలో హాజరై.. ‘‘ఓర్మా ప్రముఖ మలయాళ దర్శకుడు సిద్ధిక్ దగ్గర అసిస్టెంట్‌గా పని చేసింది. నా సినిమాల కథల ఎంపికలో కూడా ఆమె తన వంతుగా సహకారం అందిస్తుంటుంది. ఓర్మా ప్యూచర్‌లో డైరెక్టర్‌గా ఎంట్రీ ఇచ్చే ఛాన్స్ ఉందంటూ’’ నవీన్ వెల్లడించారు.