'జాన్ సే...' నుంచి అంకిత్ ఫస్ట్ లుక్

దిశ, సినిమా: యంగ్ హీరో అంకిత్, తన్వి ప్రధాన పాత్రల్లో తెరకెక్కుతున్న చిత్రం 'జాన్ సే...'. క్రితి ఎంటర్‌టైన్మెంట్ ప్రొడక్షన్స్ బ్యానర్‌పై ప్రొడక్షన్ నెంబర్ 1గా ఎస్. కిరణ్ కుమార్ తెరకెక్కిస్తున్న సినిమానుంచి తాజాగా హీరో ఫస్ట్ లుక్ రిలీజ్ చేశారు మేకర్స్. ఇక 'జాన్ సే...' టైటిల్‌లో ఉన్న మూడు డాట్స్ సినిమాలో కీలకమైన ముగ్గురి పాత్రలను ప్రతిబింబిస్తాయని చిత్ర బృందం తెలిపింది. కాగా ఇందులో భాగంగానే క్రిస్మస్ పర్వదినం సందర్భంగా అంకిత్ ఫస్ట్ లుక్‌ రిలీజ్ చేసినట్లు తెలిపారు. ప్రణయ్ పాత్ర పోషించిన అంకిత్ లవర్ బాయ్‌గా కనిపిస్తాడు. ఈ చిత్రం ప్రేక్షకులను ఆకట్టుకుంటోందని దర్శకుడు చెప్పాడు. చిత్రీకరణ కూడా పూర్తిచేసుకున్న చిత్రానికి సంబంధించిన మిగతా అప్‌డేట్ త్వరలోనే వెల్లడిస్తామన్నారు.