స‌ర్వత్రా ఆస‌క్తి రేకెత్తిస్తున్న జీ5 'ఏటీఎం' టీజర్!

దిశ, సినిమా: టాలీవుడ్ స్టార్ డైరెక్టర్ హ‌రీష్ శంక‌ర్, ప్రొడ్యూస‌ర్ దిల్‌రాజు 'ఏటీఎం' వెబ్‌సీరీస్‌‌తో ఓటీటీలోకి ఎంట్రీ ఇస్తున్నారు. కాగా వీరిద్దరి నిర్మాణంలో సి.చంద్రమోహ‌న్ దర్శకత్వం వహించిన ఈ సిరీస్‌లో వీజే స‌న్నీ, కృష్ణ, ర‌విరాజ్‌, రాయ‌ల్ శ్రీ కీల‌క పాత్రలు పోషించారు. అయితే ఈ సిరీస్ టీజర్‌ను తాజాగా ఆవిష్కరించిన హ‌రీష్ శంక‌ర్ మాట్లాడుతూ.. దోపిడీ నేప‌థ్యంలో సాగే క్రైమ్ థ్రిల్లర్ ఓ వైపు న‌వ్విస్తూనే మరోవైపు ఉత్కంఠకు గురించేస్తుందని, తమ కొత్త ప్రయ‌త్నాన్ని ప్రేక్షకులు ఆదరిస్తారని ఆశిస్తున్నట్లు తెలిపాడు. ఇక ప్రాణాల‌తో బ‌తికి ఉండాలంటే కొన్ని కోట్ల రూపాయ‌ల‌ను దోపిడీ చేయాల్సిన ప‌రిస్థితుల్లోకి నెట్టబ‌డిన దొంగ‌ల క‌థ ఆడియన్స్‌ను ఆకట్టుకుంటుదన్న సహ నిర్మాత హ‌ర్షిత్ రెడ్డి.. జ‌న‌వ‌రి 20 నుంచి జీ5లో ప్రసార‌మ‌య్యే ఈ సిరీస్‌ పెద్ద హిట్ అవుతుందని ధీమా వ్యక్తంచేశాడు. ఇక ఈ చిత్రానికి ప్రశాంత్ ఆర్‌.విహారి సంగీతం స‌మ‌కూర్చారు.