అప్పుడే ఓటీటీలోకి వచ్చేస్తున్న ‘గుంటూరు కారం’

దిశ, సినిమా: సూపర్ స్టార్ మహేష్ బాబు -మాటల మాంత్రికుడు కలయికలో వచ్చిన ‘గుంటూరు కారం’ చిత్రం భారీ అంచనాల మధ్య నేడు థియేటర్లలో గ్రాండ్ రిలీజైంది. యంగ్ అండ్ సెన్సేషనల్ హీరోయిన్ శ్రీలీల నటించిన ఈ మూవీ మిక్స్‌డ్ టాక్‌తో థియేటర్లలో సందడి చేస్తోంది. అయితే ఈ సినిమా డిజిటల్ స్ట్రీమింగ్ హక్కులను నెట్‌ఫ్లిక్స్ భారీ ధరకు సొంతం చేసుకున్నట్లు టాక్ వినిపిస్తోంది. కాగా ఈ ఏడాది ఫిబ్రవరి 3 వ వారంలో లేదా చివరి వారంలో ఓటీటీలో స్ట్రీమింగ్ అయ్యే చాన్స్ ఉందని సమాచారం.

ఇక సూపర్ స్టార్ చిత్రం పబ్లిక్ టాక్ చూసుకున్నట్లైతే.. బ్లాక్ హిట్ అంటూ మహేష్ ఫ్యాన్స్ సోషల్ మీడియాలో హవా చేస్తున్నారు. టాలీవుడ్ హీరోయిన్ రమ్యకృష్ణ మహేష్‌కు తల్లి పాత్రలో నటించి ఎమోషనల్ సీన్స్‌తో ప్రేక్షకులను కట్టిపడేసింది. ఇక శ్రీలీల స్టన్నింగ్ డాన్స్, అద్భుతమైన పర్ఫామెన్స్ గురించి ప్రత్యేకంగా చెప్పనవసరం లేదు.