ప్రభాస్ అభిమానులకు శుభవార్త.. సలార్ రిలీజ్ డేట్ ఫిక్స్

దిశ, వెబ్‌డెస్క్: ప్రభాస్ ఫ్యాన్స్ ఎప్పుడెప్పుడా అని ఎదురుచూస్తున్న సలార్ సినిమా అప్డేట్ వచ్చేసింది. ఈ ఏడాది డిసెంబర్ 22న ప్రపంచ వ్యాప్తంగా సినిమాను విడుదల చేయబోతున్నట్లు చిత్ర బృందం శుక్రవారం అధికారికంగా ప్రకటించింది. సౌత్ సెన్సేషనల్ డైరెక్టర్ ప్రశాంత్ నీల్ తెరకెక్కిస్తున్న చిత్రం కావడంతో సినిమాపై హైప్ భారీగా పెరిగిపోయింది. ఇందులో ప్రభాస్ సరసన శృతిహాసన్ నటిస్తోంది. మరో హీరో పృద్వీరాజ్ సుకుమారన్ కీలక పాత్రలో నటిస్తున్నారు. మెయిన్ విలన్‌గా టాలీవుడ్ సీనియర్ హీరో జగపతి బాబు నటిస్తున్నారు. కాగా, ఇప్పటికే పలుమార్లు వాయిదా పడిన ఈ చిత్రం యూనిట్‌పై ఫ్యాన్స్ తీవ్ర అసహనంలో ఉన్నారు. మరోవైపు ఇదే రిలీజ్ డేట్‌ను షారుఖ్ ఖాన్ నటిస్తున్న దున్కీ చిత్రం కూడా విడుదల ఉండటంతో బిగ్ క్లాష్ కాబోతోంది. ఏం జరుగుతుందో చూడాలి. కాగా, ఇటీవల ప్రభాస్ నటించిన చిత్రాలన్నీ బాక్సాఫీస్ వద్ద బోల్తా కొట్టడంతో సలార్‌పైనే అభిమానులతో పాటు ప్రభాస్ కూడా హోప్స్ పెట్టుకున్నారు.