ఫ్యాన్స్‌కు గుడ్ న్యూస్.. పుష్ప-2 నుంచి న్యూ అప్డేట్

దిశ, వెబ్ డెస్క్: స్టైలిష్ స్టార్ అల్లు అర్జున్, రష్మిక మందన జంటగా నటించిన చిత్రం ‘పుష్ప’. దీనికి సుకుమార్ దర్శకత్వం వహించాడు. ఈ చిత్రం 2021 డిసెంబర్ 7న ప్రపంచ వ్యాప్తంగా విడుదలై రికార్డులు బద్దలు కొట్టిన విషయం తెలిసిందే. ప్రస్తుతం దీనికి సీక్వెల్‌గా ‘పుష్ప-2’ రాబోతున్న విషయం తెలిసిందే. ప్రస్తుతం ఈ సినిమా షూటింగ్ శరవేగంగా జరుగుతుంది. ఈ పాన్ ఇండియా మూవీపై అల్లు అర్జున్ అభిమానులకు భారీ అంచనాలు ఉన్నాయి. దీంతో ఈ సినిమా నుంచి ఎప్పుడెప్పుడు అప్డేట్ ఎదురుచూస్తున్నారు. ఈ క్రమంలో చిత్ర యూనిట్ గుడ్ న్యూస్ తెలిపింది. ఈరోజు (ఏప్రిల్ 5)న రష్మిక మందన పుట్టినరోజు సందర్భంగా ‘పుష్ప-2’ శ్రీవల్లీ పోస్టర్‌ను విడుదల చేశారు. దీంతో అది చూసిన ఫ్యాన్స్ ఫుల్ ఖుషీలో ఉన్నారు.