బంగారు ఊయల గిఫ్ట్ వార్తలు.. రామ్‌చరణ్ టీమ్ క్లారిటీ

దిశ, వెబ్‌డెస్క్: రామ్ చరణ్ - ఉపాసన కపుల్స్ ఇటీవలే పండంటి ఆడబిడ్డకి జన్మనిచ్చిన విషయం తెలిసిందే. అయితే వీరికి ముఖేష్ అంబానీ బంగారు ఊయల గిఫ్ట్ ఇస్తున్నారంటూ నెట్టింట వార్తలు వైరల్ అవుతున్నాయి. ఆ ఊయల ధర రూ.కోటి వరకు ఉంటుందని వార్తలు రాగా రామ్‌చరణ్ టీమ్ ఇదే అంశంపై క్లారిటీ ఇచ్చింది. అవన్నీ అవాస్తవాలేనని తెలిపింది.

ప్రజ్వల ఫౌండేషన్ వాళ్లు రెడీ చేసిన చెక్క ఉయ్యాలనే ఈ వేడుకల్లో ఉపయోగించనున్నట్లు తెలిపింది. ప్రజ్వల సంస్థ వారు రెడీ చేసిన ఊయలను ఉపాసన ఇన్ స్టా వేదికగా ఇటీవల పంచుకున్నారు. ఆ సందర్భంగా బ్యూటిఫుల్ గిఫ్ట్ పంపిన ప్రజ్వల ఫౌండేషన్ కు ఉపాసన థ్యాంక్స్ చెప్పారు. చేతితో తయారు చేసిన ఈ ఉయ్యాల బలం, ఆశకు ప్రతీక. పరివర్తన, ఆత్మ గౌరవాన్ని సూచిస్తుంది. అని పోస్ట్‌‌కు ఉపాసన కామెంట్ పెట్టారు.