Godse Movie Trailer: గాడ్సే మూవీ ట్రైలర్ రిలీజ్..
Satyadev Godse Movie trailer Released By Varun Tej| విభిన్న కథా చిత్రాలతో, పాత్రలతో తనకంటూ ప్రత్యేక గుర్తింపు సంపాదించుకున్న హీరో సత్యదేవ్‌. సత్యదేవ్‌ నటిస్తున్న తాజా చిత్రం గాడ్సే
దిశ, వెబ్‌డెస్క్: విభిన్న కథా చిత్రాలతో, పాత్రలతో తనకంటూ ప్రత్యేక గుర్తింపు సంపాదించుకున్న హీరో సత్యదేవ్‌. సత్యదేవ్‌ నటిస్తున్న తాజా చిత్రం గాడ్సే. ఈ సినిమాకు గోపి గణేష్‌ పట్టాభి దర్శకత్వం వహిస్తున్నారు. ఈ మూవీలో మ‌ల‌యాళ న‌టి ఐశ్వర్య ల‌క్ష్మి మొద‌టి సారి తెలుగు లో హీరోయిన్ గా న‌టిస్తుంది. ఈ చిత్రం నుంచి ఇప్పటికే విడుదలైన పోస్టర్స్, టీజర్ మంచి రెస్పాన్స్ ను దక్కించుకున్నాయి. ఈ సినిమా జూన్ 17న ప్రేక్షకుల ముందుకు రానుంది. ప్రమోషన్స్‌లో భాగంగా ఈరోజు ట్రైలర్‌ని విడుదల చేశారు మేకర్స్. ముందుగా అనుకున్న ప్రకారం మెగా ప్రిన్స్ వరుణ్ తేజ్ ట్రైలర్‌ని ఆవిష్కరించి, సత్య దేవ్‌కు, టీమ్‌కు శుభాకాంక్షలు తెలిపారు. అవినీతిమయమైన రాజకీయ నాయకులను, వ్యవస్థను ఒంటి చేత్తో ధైర్యవంతుడి పాత్రలో సత్యదేవ్‌ నటించినట్లు ట్రైలర్ చూస్తే అర్థమవుతంది. వ్యవస్థకు వ్యతిరేకంగా సత్య దేవ్ చేస్తున్న భారీ మిషన్ చూడాలంటే జూన్ 17 వరకు వేచి చూడాల్సిందే. ట్రైలర్ ను చూసిన నెటిజన్స్ రకరకాల కామెంట్లు చేస్తూ సోషల్ మీడియాలో హల్ చల్ చేస్తున్నారు.