పుట్టినరోజు సందర్భంగా కొత్త రికార్డ్ క్రియేట్ చేసిన గ్లోబల్ స్టార్..!!

దిశ, సినిమా: గ్లోబల్ స్టార్ రామ్ చరణ్ పుట్టిన రోజు సందర్భంగా ఇవాళ మార్నింగ్ నుంచి అభిమానులు, సినీ సెలబ్రిటీలు పెద్ద ఎత్తున విషెష్ తెలియజేశారు. ఈ సందర్భంగా తల్లి సురేఖ కూడా రీసెంట్ ప్రారంభించిన అత్తమ్మాస్ కిచెస్ సంస్థ తరపున 500 మందికి అన్నదానం కూడా చేసింది. గుడిలో భక్తులకు స్వయంగా తన చేతులతోనే భోజనం వడ్డించింది. ఇకపోతే ఆర్ఆర్ఆర్ చిత్రంతో విపరీతమైన ఫ్యాన్స్ ఫాలోయింగ్ సంపాదించుకున్న చరణ్ తాజాగా కొత్త రికార్డు సృష్టించాడు. కేవలం నాలుగు రోజుల్లోనే చెర్రీ ఇన్ స్టా ఫాలోవర్స్ భారీగా పెరిగిపోయారు.

నాలుగు రోజుల క్రితం రామ్ చరణ్ ఇన్‌స్ట్రాగ్రామ్ అనుచరుల సంఖ్య 21. 1 (2 కోట్ల 11 లక్షల మంది)మిలియన్స్ ఉండగా.. ఇప్పుడు 21. 7 మిలియన్ పైగా ఉన్నారు. అంటే రెండు కోట్ల పదహారు లక్షలకు పైగా ఫాలోవర్స్ పెరిగారు. దీంతో ఇన్‌స్టాగ్రామ్ లో అత్యధికంగా అనుచరులు ఉన్న హీరోల్లో రామ్ చరణ్ రెండో ప్లేస్ లో నిలిచాడు. నిన్నటి వరకు టాలీవుడ్ రౌడీ హీరో విజయ్ దేవరకొండ టాప్ - 2 లో ఉన్నాడు. పుట్టిన రోజు సందర్భంగా రౌడీ హీరోను బీట్ చేసి రెండో స్థానంలోకి చేరిపోయారు చరణ్. ప్రస్తుతం గ్లోబల్ స్టార్ ఇన్‌‌స్టాగ్రామ్ ఫ్యాన్స్ ఫాలోయింగ్ పెరగడంతో మెగా ఫ్యాన్స్ తెగ సంబరపడిపోతున్నారు.