ఇంట్రెస్టింగ్ & పవర్‌ఫుల్.. ‘ప్రణయ గోదారి’ నుంచి గ్లింప్స్ రిలీజ్

దిశ, సినిమా: రొటీన్‌ కథలకు భిన్నంగా.. కొత్తగా రూపొందే చిత్రాలకే నేటి ప్రేక్షకులు ఆదరణ చూపిస్తున్నారు. దీంతో నేటి తరం దర్శక, నిర్మాతలు సైతం అలాంటి సినిమాలనే ఎక్కువగా తీసేందుకు ఇష్టపడుతున్నారు. ఈ క్రమంలోనే న్యూ కంటెంట్‌తో రిఫ్రెషింగ్‌ ఫీల్‌తో రూపొందుతున్న చిత్రం 'ప్రణయగోదారి'. పి.ఎల్.విఘ్నేష్ దర్శకత్వం వహిస్తున్న ఈ మూవీకి పారమళ్ళ లింగయ్య నిర్మిస్తున్నారు. కింగ్ సాయికుమార్ ప్రధాన పాత్రలో కనిపించనున్న ఈ సినిమాలో ప్రముఖ హాస్య నటుడు అలీ కుటుంబానికి చెందిన యాక్టర్ సదన్ హీరోగా, ప్రియాంక ప్రసాద్ హీరోయిన్‌గా నటిస్తున్నారు.

అయితే.. తాజాగా ఈ చిత్రం ప్రమోషన్స్‌లో భాగంగా పవర్‌ఫుల్‌ గ్లింప్స్‌ను ప్రముఖ నిర్మాత రాజ్‌ కందుకూరి చేతుల మీదుగా విడుదల చేశారు. ఈ సందర్భంగా ఆయన మాట్లాడుతూ.. ‘‘ప్రణయగోదారి’ గ్లింప్స్‌ చాలా బాగుంది. కంటెంట్‌ చూస్తుంటే తప్పనిసరిగా అందరికి నచ్చుతుందనే నమ్మకం కలుగుతుంది. ఈ చిత్రంలో సాయికుమార్ డైలగ్స్ అన్నీ చాలా ఇన్‌ట్రెస్టింగా.. పవర్‌ఫుల్‌గా ఉన్నాయి. చిత్రం ప్రేక్షకుల ఆదరణతో చాలా మంచి సక్సెస్ అవ్వాలి. ఈ సినిమా యూనిట్‌కు నా అభినందనలు’ అని చెప్పుకొచ్చారు.