ధీరజ అప్పాజీకి 'గిడుగు రామ్మూర్తి పంతులు' పురస్కారం!

దిశ, సినిమా: సినిమా జర్నలిజంలో చేస్తున్న కృషికిగాను సీనియర్ ఫిల్మ్ జర్నలిస్ట్, పి.ఆర్.ఓ, 'స్వాతిముత్యం' సంపాదకుడు ధీరజ అప్పాజీకి ప్రతిష్టాత్మక గిడుగు రామ్మూర్తి పంతులు పురస్కారం వరించింది. గిడుగు రామ్మూర్తి 83 వ వర్ధంతిని పురస్కరించుకుని 'శంకరం వేదిక'తో కలిసి గిడుగు ఫౌండేషన్ నిర్వహించిన వేడుకలో అప్పాజీ ఈ పురస్కారాన్ని అందుకున్నాడు. ఈ కార్యక్రమానికి తెలంగాణ హైకోర్టు న్యాయమూర్తి జస్టిస్ డా.జి.రాధారాణి, బి.సి.కమిషన్ చైర్మన్ వకుళాభరణం కృష్ణమోహన్, జీవన్ లాల్ విశిష్ట అతిథులుగా హాజరయ్యారు. ఇక రెండు తెలుగు రాష్ట్రాల్లో సాహిత్య, కళ, సేవా రంగాల్లో గుర్తింపు పొందిన పలువురికి ఈ పురస్కారాలు ప్రదానం చేశారు. సుందరయ్య విజ్ఞాన కేంద్రంలో జరిగిన సమావేశంలో రామ్మూర్తి ఫౌండేషన్ అధ్యక్షురాలు గిడుగు కాంతి కృష్ణ, డా.బిక్కిన కృష్ణ, యలవర్తి ధనలక్ష్మి, ప్రభు, తుమ్మలపల్లి రామ సత్యనారాయణ తదితరులు పాల్గొన్నారు.