‘గేమ్ ఛేంజర్’ UK రైట్స్‌ దక్కించుకున్న ప్రముఖ బ్యానర్..!

దిశ, సినిమా: సెన్సేషనల్ డైరెక్టర్ శంకర్ దర్శకత్వంలో గ్లోబల్ స్టార్ రామ్ చరణ్ నటిస్తోన్న తాజా చిత్రం ‘గేమ్ ఛేంజర్’. ఫ్యాన్స్ ఎప్పుడెప్పుడా అని ఎదురుచూస్తోన్న ఈ మూవీ నుంచి నిన్న చరణ్ పుట్టిన రోజు సందర్భంగా మేకర్స్ ‘జరగండి’ సాంగ్ రిలీజ్ చేశారు. ఈ పాట విడుదలకు ముందే లీకైనా.. దర్శకుడు శంకర్ తన విజువల్స్‌తో ప్రేక్షకులు నోరెళ్లబెట్టేలా చేశారు. తనదైన డ్యాన్స్ స్టెప్పులతో చరణ్, కియారా ఫ్యాన్స్‌కు సూపర్ ట్రీట్ ఇచ్చారు.

ఎంతవరకు నిజమో తెలియదు కానీ.. ఈ పాట కోసం దర్శకుడు ఏకంగా రూ.18 కోట్లు ఖర్చు చేశాడని సోషల్ మీడియాలో టాక్ వినిపిస్తోంది. ఇకపోతే పొలిటికల్ యాక్షన్ డ్రామాగా తెరకెక్కుతున్న ఈ మూవీని దిల్ రాజు నిర్మిస్తున్నారు. ప్రస్తుతం ఈ చిత్ర షూటింగ్‌ చివరి దశలో ఉంది. ఈ సినిమాకు తమన్ సంగీతం సమకూర్చగా.. ప్రభుదేవా డాన్స్ కోరియోగ్రఫీ చేశారు.

అయితే తాజాగా ఈ మూవీ యూకే రైట్స్ ను డ్రీమ్స్ ఎంటర్‌టైన్‌మెంట్స్ దక్కించుకున్నట్లు మేకర్స్ సోషల్ మీడియాలో సరికొత్త పోస్టర్ విడుదల చేశారు. ఇక ఈ సినిమాలో ఈషా గుప్తా, అంజలి, జయరామ్, ఎస్ జే సూర్య, శ్రీకాంత్, సునీల్, సురేష్ గోపీ, హ్యారీ జోష్, నవీన్ చంద్ర తదితరులు ముఖ్య పాత్రలో కనిపించనున్నారు.