వెయ్యి నందుల బలంతో.. నాగార్జున ఫస్ట్ లుక్..

దిశ, వెబ్‌డెస్క్: బాలీవుడ్ కపుల్ ర‌ణ్‌బీర్ క‌పూర్, ఆలియా భ‌ట్ జంట‌గా న‌టిస్తున్న పాన్ ఇండియా మూవీ ''బ్రహ్మాస్త్ర''. ఈ సినిమా తెలుగులో ''బ్రహ్మాస్త్రం''గా రిలీజ్ కానుంది. ఈ సినిమాకు అయాన్ ముఖ‌ర్జీ ద‌ర్శ‌క‌త్వం వ‌హిస్తున్నాడు. ఈ మూవీలో బాలీవుడ్ లెజెండరీ నటుడు అమితాబచ్చన్‌తో పాటు టాలీవుడ్ కింగ్ నాగార్జున, అనీష్ శెట్టి కీలక పాత్రలో కనిపించనున్నారు. ఇటీవల విడుదలైన పోస్టర్స్, టీజర్, ఫస్ట్ సింగిల్ ఎంతగానో ఆకట్టుకున్నాయి. అయితే ఈ సినిమాలో నాగ్​ పాత్రను పరిచయం చేస్తూ ఫస్ట్​లుక్​ను రిలీజ్​ చేసింది చిత్రబృందం.

ఈ విషయాన్ని నాగార్జున స్వయంగా తన సోషల్ మీడియా వేదికగా పంచుకున్నారు. ఇలా రాశారు'బ్రహ్మాస్త్రం ఒక అద్భుతం, శక్తి ప్రపంచం, ఆ అద్భుతంలో భాగమైనందుకు నేను గర్విస్తున్నాను నంది అస్త్రం యొక్క శక్తితో దాని శక్తిని నా చేతిలో పట్టుకున్నాను. మీ ప్రపంచంలో నన్ను ఒక భాగం చేసినందుకు ధన్యవాదాలు అయాన్' అంటూ నాగార్జున ట్విట్టర్ వేదికగా థ్యాంక్స్ చెప్పారు. పవర్​ఫుల్​ లుక్​లో నాగ్​ను చూసి అభిమానులు ఖుషీ అయిపోయారు. కామెంట్లతో సోషల్ మీడియాలో మోతమోగిస్తున్నారు. ఈనెల 15న ట్రైలర్​ను రిలీజ్​ చేస్తామని ఇప్పటికే చిత్ర యూనిట్ చెప్పింది.