జైలర్ చిత్రంలో రజినీ కోడలిగా నటించిన ఆ అమ్మడు ఎవరో తెలుసా?
ఇటీవల రిలీజైన రజనీకాంత్ ‘జైలర్’ చిత్రం బాక్సాఫీసు వద్ద ఎంత హిట్ కొట్టిందో ప్రత్యేకంగా చెప్పాల్సిన అవసరం లేదు.
దిశ, వెబ్‌డెస్క్: ఇటీవల రిలీజైన రజనీకాంత్ ‘జైలర్’ చిత్రం బాక్సాఫీసు వద్ద ఎంత హిట్ కొట్టిందో ప్రత్యేకంగా చెప్పాల్సిన అవసరం లేదు. నెల్సన్ దిలీప్ దర్శకత్వంలో తెరకెక్కిన ఈ సినిమా భారీ వసూళ్లు రాబట్టింది. ఈ సినిమాలో రజనీకాంత్ కోడలిగా నటించిన మిర్న మీనన్ అందం, అభినయంతో అద్భుతమైన నటనతో అందరి దృష్టిని ఆకర్షించింది. అయితే ఈ అమ్మాయి ఎవరు? అని చాలామంది నెటిజన్లు గూగుల్‌లో సెర్చ్ చేయడం ప్రారంభించారు. ‘సినిమాల్లోకి రాకముందు ఈ నటి పేరు అదితీ మీనన్. ఇండస్ట్రీకి ఎంట్రీ ఇచ్చాక... ట్రెండీగా ఉండాలని మిర్న మీనన్‌గా ఛేంజ్ చేసుకుంది. ఈ అమ్మడు మొదటిసారి ‘‘పట్టాదారి’’ చిత్రంలో, మలయాళంలో మోహన్ లాల్ హీరోగా నటించిన ‘బిగ్ బ్రదర్’ మూవీలో నటించింది. ‘సిల్లీ ఫెలోస్, ఉగ్రం’ చిత్రాల్లో అల్లరి నరేష్‌తో కలిసి నటించింది. కాగా, జైలర్ చిత్రంతో ప్రేక్షకులను మరింతగా మెప్పించింది మిర్న మీనన్. మున్ముందు ఈ భామకు ఎలాంటి అవకాశాలు వస్తాయో చూడాల్సిందే.