సినిమా పడే ముందు నో స్మోకింగ్ యాడ్‌లో నటించిన చిన్నారి ఇప్పుడు ఎలా ఉందో తెలుసా?

దిశ, సినిమా: జనాలంతా ఏ థియేటర్‌కు వెళ్లిన సినిమా పడే కొన్ని నిమిషాల ముందు స్మోకింగ్ యాడ్ వస్తుంది. సిగరెట్ తాగే తండ్రి పక్కన కూతురు కూర్చుని ఉంటుంది. తండ్రి స్మోక్ చేయడం వల్ల ఫ్యామిలీ ఎంత ఇబ్బంది పడుతుందో ఆ యాడ్‌లో కనిపిస్తుంది. స్మోక్ చేయడం వల్ల క్యాన్సర్ బారిన పడే అవకావం ఉందని ప్రజలకు తెలియజేయడమే ఈ యాడ్ సారాంశం. అయితే ఆ యాడ్‌లో నటించిన బాల నటి పేరు సిమ్రాన్ నటేకర్.

అప్పుడు ఈ అమ్మాయికి 6 సంవత్సరాలు. ఇప్పుడు ఈ గర్ల్ ఎంత అందంగా మారిందో చూస్తే షాక్ అవుతారు. ప్రస్తుతం సిమ్రాన్ నటేకర్ అటు టీవీ, ఇటు సినిమాలు చేస్తూ ఫుల్ బిజీ అయిపోయారు. 6 ఏళ్ల వయసులో నో స్మోకింగ్ యాడ్‌లో నటించిన ఈ అమ్మడు ఏకంగా 150 వరకు యాడ్స్ లో నటించారు. సిమ్రాన్ నటేకర్.. ‘బంధన్ సాత్ జన్మోంకా సీరియలో మొదటగా నటించారు. దావత్-ఇ-ఇష్క్ ఈమె నటించిన ఫస్ట్ బాలీవుడ్ సినిమా. ఆ తర్వాత హతీమ్, క్రిష్ 3 తో పాటు డిష్కియావూన్‌లో గెస్ట్ పాత్రలో అలరించారు. 2015 లో ప్రసారమైన ‘బాలికా వధు’ లో పూజా రోల్ లో నటించి ప్రేక్షకులను ఆకట్టుకుంది సిమ్రాన్ నటేకర్.

ప్రస్తుతం సిమ్రాన్ నటేకర్.. మై ఫస్ట్ యాడ్ ఆన్ నో స్మోకింగ్ అంటూ తన ఫొటోను సోషల్ మీడియాలో షేర్ చేశారు. ఈ పిక్ చూసిన నెటిజన్లు ఈ చిన్నారి ఇంత బ్యూటీఫుల్‌గా మారిపోయిందా? వావ్ క్యూట్ ఆశ్యర్యంగా అంటూ కామెంట్లు పెడుతున్నారు. ప్రస్తుతం సిమ్రాన్ నటేకర్ పిక్ సోషల్ మీడియాలో వైరల్ అవుతోంది.