డైరెక్టర్ గౌతమ్ వాసుదేవ్- మెగాస్టార్ మూవీ ఫిక్స్.. అదిరిపోయిన ఫస్ట్ లుక్ పోస్టర్

దిశ, సినిమా: స్టార్ హీరో మమ్ముట్టి అందరికీ సుపరిచితమే. ఆయన ఎన్నో హిట్ చిత్రాల్లో నటించి బాక్సాఫీసును షేక్ చేశాడు. మలయాళ ఇండస్ట్రీలో మెగాస్టార్‌గా క్రేజ్ తెచ్చుకుని ఫుల్ ఫామ్‌లో ఉన్నాడు. వరుస సినిమాల్లో నటిస్తూ దూసుకుపోతూ కుర్ర హీరోలకు పోటీగా నిలుస్తున్నాడు. ఆయన నటించిన భ్రమ యుగం, టర్బో సినిమాలతో మంచి విజయం సాధించిన విషయం తెలిసిందే.

ప్రజెంట్ మెగాస్టార్ కొత్త సినిమా ప్రకటన విడుదలైంది. దీనిని పలు బ్లాక్ బస్టర్లు అందించిన గౌతమ్ వాసుదేవ్ మీనన్ తెరకెక్కిస్తున్నాడు. తాజాగా, ఇందులోంచి మమ్ముట్టి ఫస్ట్ లుక్ పోస్టర్‌ను మేకర్స్ విడుదల చేశారు. అలాగే ఈ చిత్రానికి ‘డొమినిక్ అండ్ ది లేడీస్ పర్సు’ అనే టైటిల్ ఫిక్స్ చేసినట్లు ట్విట్టర్ వేదికగా వెల్లడించారు. అయితే ఈ సినిమా మమ్ముట్టి సొంత నిర్మాణంలో తెరకెక్కుతోంది. ఈ సినిమాలోని మమ్ముట్టి పోస్టర్ నెట్టింట వైరల్ అవుతూ సినీ ప్రియుల్లో అంచనాలను పెంచుతోంది.