Kartikeya part 3: ‘కార్తికేయ 2’కి అవార్డు.. పార్ట్ 3 పై అదిరిపోయే అప్‌డేట్ ఇచ్చిన డైరెక్టర్
తాజాగా ‘కార్తికేయ 2’ సినిమా ఉత్తమ తెలుగు చిత్రంగా జాతీయ అవార్డు అందుకున్న విషయం తెలిసిందే.
దిశ, సినిమా: తాజాగా ‘కార్తికేయ 2’ సినిమా ఉత్తమ తెలుగు చిత్రంగా జాతీయ అవార్డు అందుకున్న విషయం తెలిసిందే. యంగ్ హీరో నిఖిల్, డైరెక్టర్ చందు మొండేటి కాంబినేషనల్‌లో వచ్చిన ఈ చిత్రం.. 2022లో రిలీజై మంచి సక్సెస్‌ను అందుకుంది. అంతే కాకుండా బాక్సాఫీస్ వద్ద కాసుల వర్షాన్ని కురిపించింది. ఇక తాజాగా ఈ చిత్రం ఉత్తమ తెలుగు చిత్రంగా జాతీయ అవార్డు అందుకోవడంతో నెట్టింట ప్రశంసలు వెల్లు వెత్తుతున్నాయి. ఈ క్రమంలోనే ఈ సక్సెస్‌పై స్పందించిన డైరెక్టర్ చందు మొండేటి పార్ట్ 3పై అదిరిపోయే అప్‌డేట్ ఇచ్చాడు.
ఈ మేరకు జాతీయ పురస్కారం అందుకున్నందుకు ఆనందం వ్యక్తం చేస్తూ.. ‘ఈ పురస్కారం ప్రేక్షకులు ఇచ్చిన వరం. ప్రేక్షక దేవుళ్ళకు ధన్యవాదాలు. ముందుగా ప్రేక్షకులు మమ్మల్ని గుర్తించి ఆదరించారు. కాబట్టే ఈ రోజు ఈ అవార్డు వచ్చింది’ అంటూ చెప్పుకొచ్చాడు. అలాగే పార్ట్ 3పై అప్‌డేట్ ఇస్తూ.. ‘కార్తికేయ’ పార్ట్ 3 తప్పక ఉంటుంది. అంతే కాదు పార్ట్-2ని మించి ఉండేలా పార్ట్ 3 ప్లాన్‌ చేస్తున్నాం’ అని తెలిపారు. ప్రజెంట్ చందు మొండేటి కామంట్స్ వైరల్ అవుతుండగా.. ఫ్యాన్స్ ఆనందం వ్యక్తం చేస్తున్నారు.