ఆల్ టైం రికార్డు క్రియేట్ చేసిన డార్లింగ్ ప్రభాస్

దిశ,వెబ్ డెస్క్: డార్లింగ్ ప్రభాస్ బర్త్ డే సందర్భంగా సినీ పరిశ్రమకు చెందిన నటీ నటులు, అభిమానులు ఆయనకు శుభాకాంక్షలు తెలియజేశారు. విదేశాల్లో కూడా ఘనంగా నిర్వహించారు. ఈ క్రమంలోనే ఆయన అభిమానులు ప్రభాస్ కు అదిరిపోయే గిఫ్ట్ ఇచ్చారు. హైదరాబాద్ లోని కూకట్ పల్లిలో 230 అడుగులతో దేశంలోనే అతి పెద్దదైన కటౌట్ ఏర్పాటు చేశారు. తాజాగా ఈ కటౌట్ దేశంలోనే అత్యంత ఎత్తైన కటౌట్ గా రికార్డు సృష్టించింది. సలార్ సినిమా లోని స్టిల్ తో ఈ భారీ కటౌట్ ను ఏర్పాటు చేశారు. అభిమానులు ఈ కటౌట్ కు పాలాభిషేకం చేసారు. ప్రస్తుతం సోషల్ మీడియాలో ఇవి వైరల్ గా మారాయి. బాహుబలి మూవీతో ప్రపంచవ్యాప్తంగా ప్రభాస్ గుర్తింపు తెచ్చుకున్నారు. ప్రస్తుతం సలార్, కల్కి 2898ఏడీ, రాజా డీలక్స్, స్పిరిట్ చిత్రాల్లో నటిస్తున్నారు. సలార్ సినిమా షూటింగ్ పూర్తయింది. డిసెంబరు 22వ తేదీన ప్రేక్షకుల ముందుకు రానుంది. కల్కి 2898ఏడీ సినిమా షూటింగ్ కూడా చివరి దశకు చేరుకుంది. దీనికి సంబంధించిన అప్డేట్ కోసం అభిమానులు ఆసక్తిగా ఎదురుచూస్తున్నారు.