'గజరాజుకి పూనకాలు లోడింగ్'.. చిరు ఫన్నీ వీడియో వైరల్

దిశ, సినిమా : స్టార్ నటుడు చిరంజీవి ఓ ఫన్నీ వీడియోతో అభిమానులను అలరించాడు. ఇటీవల తను నటించిన 'వాల్తేరు వీరయ్య'లో పూనకాలు లోడింగ్ అంటూ ఓ ఊపు ఊపేసిన చిరు.. సినిమాలో ఇంటర్వెల్ సీన్‌కు సంబంధించిన క్లిప్ నెట్టింట పోస్ట్ చేశాడు. విషయానికొస్తే.. సినిమాలో కారు మీదకు ఏనుగు ఎక్కేసిన సన్నీవేశం అభిమానులను ఉర్రూతలూగించిన సంగతి తెలిసిందే. కాగా అచ్చం అలాంటిదే ఓ ఏనుగు కారు మీదకు ఎక్కాలని ప్రయత్నించింది. కానీ, అది కుదర్లేదు. దాని తాకిడికి కారు ముందు బంపర్ మాత్రం ఊడిపోయింది. దీంతో సదరు కారు డ్రైవర్ చాకచక్యంగా అక్కడి నుంచి తప్పించుకున్న వీడియోను ఇన్‌స్టా వేదికగా షేర్ చేస్తూ.. 'గజరాజుకు పూనకాలు లోడింగ్' అంటూ క్యాప్షన్ ఇచ్చాడు చిరు. ప్రస్తుతం వైరల్ అవుతున్న వీడియోపై స్పందిస్తున్న ఫ్యాన్స్.. 'వాల్తేరు వీరయ్య' మూవీ ఇంటర్వెల్ సీన్‌ రిపీట్', 'ఈ ఏనుగు సినిమా చూసినట్టుంది' అంటూ సరదగా కాంమెట్లు చేస్తున్నారు.