చిరంజీవి ‘156` మూవీ ఫస్ట్ లుక్‌ రిలీజ్ డేట్ ఫిక్స్?
‘బింబిసార’ ఫేమ్ వశిష్ట దర్శకత్వంలో మెగాస్టార్ చిరంజీవి తన 156 వ చిత్రంలో నటిస్తున్నారు.
దిశ, సినిమా: ‘బింబిసార’ ఫేమ్ వశిష్ట దర్శకత్వంలో మెగాస్టార్ చిరంజీవి తన 156 వ చిత్రంలో నటిస్తున్నారు. సోషియో ఫాంటసీ నేపథ్యంలో తెరకెక్కుతోన్న ఈ చిత్ర షూటింగ్‌ శరవేగంగా జరుగుతుంది. కానీ ప్రస్తుతం ఈ మూవీ షూటింగ్‌లో మెగాస్టార్ లేరు. ఈ నెలాఖరులో చిరు షూటింగ్‌లో జాయిన్‌ అవ్వనున్నారని టాక్. ఈ క్రమంలో మెగాస్టార్ కొత్త సినిమాకు సంబంధించిన ఇంట్రెస్టింగ్ అప్‌డేట్‌ ప్రస్తుతం నెట్టింట వైరల్ అవుతోంది. సంక్రాంతి కానుకగా ఈ సినిమా ఫస్ట్ లుక్‌ను రిలీజ్ చేయబోతున్నారట. అంతేకాదు ఈ సినిమా టైటిల్‌ను కూడా ఖరారు చేయడంతో పాటు రిలీజ్ డేట్‌ను కూడా లాక్‌ చేయనున్నట్లు సమాచారం.