'రామారావు ఆన్ డ్యూటీ'లో మార్పులు.. పట్టించుకోని రవితేజ.. షాక్‌లో డైరెక్టర్

దిశ, సినిమా : ప్రస్తుతం రవితేజ హీరోగా శరత్ మండవ దర్శకత్వం వహించిన 'రామారావు ఆన్ డ్యూటీ' సినిమాపై ప్రేక్షకులలో అంచనాలు భారీగానే ఉన్నాయి. ఇక ఈ సినిమా షూటింగ్ అంతా పూర్తి చేసుకున్నా విడుదలకు మాత్రం నోచుకోకపోవడం గమనార్హం. ఇకపోతే ఇటీవల ఈ సినిమాను జూలై 17న రిలీజ్ చేసేందుకు మేకర్స్ నిర్ణయించుకున్నారు. కాకపోతే ఈ చిత్రంలో కొన్ని సీన్స్ అనుకున్న విధంగా రాకపోయే సరికి మరో ఏడు రోజులు వాయిదా పడ్డట్టు గుసగుసలు వినిపిస్తున్నాయి. ఇక ఆ సీన్స్‌ని మళ్లీ రీషూట్ చేశారు. కానీ, ఇంకా ఎడిట్ చేయలేదని సమాచారం. ఇక వీటన్నింటిని పట్టించుకోకుండా రవితేజ 'టైగర్ నాగేశ్వరరావు' సినిమా షూటింగ్‌లో బిజీ అయిపోగా.. దర్శకుడు శరత్ రవితేజ కోసం ఎదురుచూస్తున్నట్టు సినీ వర్గాలు మాట్లాడుకుంటున్నాయి.