ఈ విషయం మీతో పంచుకోవడానికి ఆగలేకపోతున్నా: Tamannaah

దిశ, వెబ్ డెస్క్: మిల్కీ బ్యూటీ తమన్నా టాలీవుడ్‌లో గ్లామర్ బ్యూటీగా రాణిస్తుంది. అన్నీ భాషల్లో వరుస చిత్రాల్లో నటించి ప్రేక్షకులను అలరిస్తోంది. తెలుగులో చిరంజీవి సరసన 'భోళాశంకర్' మూవీ చేస్తోంది. అయితే తమన్నా, నటుడు విజయ్ వర్మతో ప్రేమలో ఉన్నట్లు గత కొన్ని రోజులుగా పుకార్లు చక్కర్లు కొడుతున్న విషయం తెలిసిందే. కాగా, తమిళ సూపర్ స్టార్ రజనీకాంత్ 'జైలర్' సినిమాలో హీరోయిన్‌గా నటిస్తున్నట్టు వార్తలు వచ్చాయి. కానీ, ఇప్పటి వరకు దీనిపై ఆమె ఎలాంటి క్లారిటీ ఇవ్వలేదు. తాజాగా, తమన్నా ఇన్‌స్టాగ్రామ్ వేదికగా స్పందించింది. ''ఫైనల్‌గా నేను మీ అందరితోనూ పంచుకోవాల్సిన వార్త బయటకు వచ్చింది. నెల్సన్ కుమార్ దర్శకత్వం వహించిన జైలర్ చిత్రంలో తలైవార్ రజనీకాంత్‌లో కలిసి నటించడం చాలా సంతోషంగా ఉంది. అందుకు నేను గౌరవంగా భావిస్తున్నా. ఈ అనుభవాన్ని మీతో పంచుకునేందుకు ఇంకా ఎదురుచూడలేను'' అంటూ చెప్పుకొచ్చింది. దీంతో పాటు జైలర్ పోస్టర్‌ను కూడా షేర్ చేసింది.

ఇవి కూడా చదవండి : నటుల మనస్తత్వాలను కొవిడ్ పూర్తిగా మార్చేసింది: బోల్డ్ బ్యూటీ