నీ యూట్యూబ్‌లో వీడియో మొత్తం చూశానంటూ లేడీ కమెడియన్‌ను బ్లాక్ మెయిల్ చేసిన బుల్లెట్ భాస్కర్‌

దిశ, సినిమా: జబర్దస్త్ కామెడీ షోలో నవ్వులు పూయించి.. బుల్లితెర నుంచి వెండితెరపై అవకాశాలు దక్కించుకుంది లేడీ కమెడియన్ సత్య. ఈమె ఇటీవల నితిన్‌ నటించిన ‘ఎక్స్ ట్రా ఆర్డినరీ మ్యాన్‌’ అనే చిత్రంలో నటించింది. కానీ ఈ మూవీ బాక్సాఫీసు వద్ద పెద్దగా ఆడలేదు. సత్య పోలీస్‌ కానిస్టేబుల్‌గా నటించి.. పోలీస్‌ స్టేషన్‌లో విలన్‌ను ఆటకట్టిస్తూ ఓ బోల్డ్ పాటకు స్టెప్పులేసింది. పోలీస్‌ స్టేషన్‌లో సత్యతోపాటు హైపర్‌ ఆది, అలాగే హీరో నితిన్‌ కూడా స్టెప్పులేస్తారు.

అయితే తాజాగా ‘ఎక్స్ ట్రా జబర్దస్త్’ లో సత్య కమెడీకి సంబంధించి ఓ స్కిట్ ప్రోమో రిలీజైంది. ఈ స్కిట్‌లో బుల్లెట్ భాస్కర్ సత్యను బ్లాక్ మెయిల్ చేస్తాడు. నీ యూట్యూబ్‌లో వీడియో మొత్తం చూశానని అంటాడు. కావాలనే మీరు ఆ పని చేశావు అనగా.. ఇందులో మొదట నరేష్‌.. సత్యని పట్టుకుని ఎంత వరకు చదివాం అని అడగ్గా ‘లా’ అని చెబుతుంది. ఇంత పెద్దగా అయ్యావు ఆ ఒక్క అక్షరమే చదివావా అని పంచ్ వేస్తాడు నరేష్. అనంతరం సత్య ‘నువ్వొస్తానంటే’ సాంగ్‌కు ఆడుతూ ఆనందంలో డ్యాన్స్ చేస్తుంది. అంతలోనే బుల్లెట్‌ భాస్కర్‌ వచ్చి.. చూడ్డానికి పెద్ద రౌడీ షీటర్‌లాగా ఉన్నారు. వెనకాల ఇద్దరు ముగ్గురు మనుషులు కూడా ఉన్నారు.

తనని గుద్దేయడంతో చూసుకోవద్దా అంటూ ప్రశ్నిస్తుంది సత్య. దీనికి చూసే గుద్దా అని రాష్‌గా ఆన్సర్ ఇస్తాడు భాస్కర్‌. దీంతో సత్య స్పందించి.. ఒకే నేనే సరిగా చూడలేదేమో అంటుంది. నైట్ మొత్తం యూట్యూబ్‌ చూశా అని భాస్కర్ చెప్పగా. ఏం చూశారని సత్య అమాయకంగా అడగ్గా.. దీనికి ‘ట్యా ట్యా’ అంటూ సౌండ్‌ చేస్తూ ఆ పాటని పాడారు భాస్కర్‌. దీంతో సత్య మొహం వాడిపోయింది. అంతటితో వదలకుండా ఇదిగో అమ్మాయి మన దగ్గర చానా తాళాలు ఉన్నాయని అందరి ముందే భాస్కర్‌ కామెంట్‌ చేస్తాడు. ప్రస్తుతం ఈ ప్రోమో సోషల్ మీడియాలో వైరల్‌ అవుతుంది.