‘బ్రో’తో రికార్డులు బద్దలు కొట్టిన పవర్ స్టార్ (వీడియో)

దిశ, సినిమా: పవన్ కల్యాణ్, సాయి ధరమ్ తేజ్ ‘బ్రో’ మూవీ మోషన్‌ పోస్టర్‌ రికార్డులు క్రియేట్ చేస్తోంది. విడుదలైన 24 గంటల్లోనే ఏకంగా 11 మిలియన్ వ్యూస్ సొంతం చేసుకుని ట్రెండింగ్‌లో నిలిచింది. యూట్యూబ్ వేదికగా 6 మిలియన్, ఇన్‌స్టాగ్రామ్‌లో 5 మిలియన్ వీక్షణలు సాధించిన మోషన్‌ పోస్టర్‌గా టాలీవుడ్‌లో సరికొత్త రికార్డు సృష్టించింది. ఇంతకు ముందు ఈ రికార్డు ‘రాధేశ్యామ్‌’ పేరిట ఉండగా మెగా హీరోల దూకుడుకు ప్రభాస్ రికార్డు కనుమరుగైపోయింది. ఇదిలా వుంటే.. మోషన్‌ పోస్టర్‌తోనే ఈ రేంజ్‌లో రికార్డులు నమోదవుతుంటే సినిమా ఏ రేంజ్‌లో ఉంటుందో ఆలోచించండి అంటూ ఫ్యాన్స్ సంబరాలు చేసుకుంటున్నారు.